Laktaw ngadto sa video

Laktaw ngadto sa kaundan

Mayo 20-26

SALMO 40-41

Mayo 20-26

Awit 102 ug Pag-ampo | Introduksiyon (1 min.)

BAHANDI GIKAN SA PULONG SA DIYOS

1. Nganong Motabang Ta sa Uban?

(10 min.)

Malipay ta dihang motabang ta sa uban (Sal 41:1; w18.08 22 ¶16-18)

Tabangan ni Jehova kadtong motabang sa uban (Sal 41:​2-4; w15 12/15 24 ¶7)

Madayeg si Jehova dihang motabang ta sa uban (Sal 41:13; Pr 14:31; w17.09 12 ¶17)

PANGUTAN-A ANG KAUGALINGON, ‘Naa ba koy nailhan sa kongregasyon nga nagkinahanglag tabang sa paggamit sa JW Library app?’

2. Espirituwal nga mga Bahandi

(10 min.)

  • Sal 40:​5-10—Unsay gitudlo kanato sa pag-ampo ni David bahin sa pag-ila sa posisyon ni Jehova ingong Soberano? (it-1 1214)

  • Unsang espirituwal nga mga bahandi ang imong nakat-onan sa pagbasa sa Bibliya niining semanaha?

3. Pagbasa sa Bibliya

MAGMAEPEKTIBO SA MINISTERYO

4. Dihang Magsugod ug Panag-estorya

(3 min.) IMPORMAL NGA PAGSANGYAW. Pakig-estorya sa tawo nga malipayon tan-awon. (lmd leksiyon 2 punto 3)

5. Dihang Magsugod ug Panag-estorya

(4 min.) IMPORMAL NGA PAGSANGYAW. Pakig-estorya sa tawo nga nagmagul-anon. (lmd leksiyon 3 punto 5)

6. Dihang Maghimog Tinun-an

(5 min.) lff leksiyon 14 punto 6. Sa “Susiha” nga seksiyon, paghisgot ug usa ka punto sa artikulong “Dayega si Jehova Diha sa Kongregasyon” ngadto sa Bible study nga maulaw o mahadlok nga mokomento sa tigom. (th tun-anan 19)

KRISTOHANONG PAGKINABUHI

Awit 138

7. Buhaton Nato ang Maayo Ngadto sa mga Edaran

(15 min.) Pakighisgot.

Gipabilhan ni Jehova ang tanang nahimo sa matinumanong mga edaran diha sa kongregasyon, ug gipabilhan pod nato sila. (Heb 6:10) Sulod sa daghang katuigan, daghan silag nahimo sa pagtudlo, pagbansay, ug pagdasig sa mga igsoon. Seguradong apil pod ka sa natabangan nila. Unsaon nimo pagpakita ang imong apresasyon sa tanan nilang nahimo ug sa padayon nilang ginahimo diha sa kongregasyon?

I-play ang VIDEO nga ‘Buhaton Nato ang Maayo Ngadto sa Atong mga Igsoon.’ Dayon pangutan-a ang mamiminaw:

  • Unsay nakat-onan ni Ji-Hoon kang Brader Ho-jin Kang?

  • Unsay imong naapresyar sa mga edaran sa inyong kongregasyon?

  • Unsay atong makat-onan sa ilustrasyon sa maluluy-ong Samarianhon?

  • Nganong maayo ang gihimo ni Ji-Hoon nga iyang giapil ang uban sa pagtabang kang Brader Ho-jin Kang?

Kon hunahunaon nato ang mga edaran sa kongregasyon, makita nato nga daghan diay tag ikatabang nila. Kon naay panginahanglan ang usa ka edaran, hunahunaa kon unsay imong mahimo.—San 2:​15, 16.

Basaha ang Galacia 6:10. Dayon pangutan-a ang mamiminaw:

  • Sa unsang paagi ka ‘makabuhat ug maayo’ sa mga edaran sa inyong kongregasyon?

8. Pagtuon sa Kongregasyon sa Bibliya

Konklusyon (3 min.) | Awit 8 ug Pag-ampo