Awit ni Solomon 1:1-17
-
Kinanindotan nga awit (1)
-
Batan-ong babaye (2-7)
-
Mga anak nga babaye sa Jerusalem (8)
-
Hari (9-11)
-
“Himoan ka namog mga korona nga bulawan” (11)
-
-
Batan-ong babaye (12-14)
-
“Ang akong minahal samag usa ka puntil sa humot nga mira” (13)
-
-
Magbalantay (15)
-
“Pagkaguwapa nimo, akong hinigugma”
-
-
Batan-ong babaye (16, 17)
-
‘Guwapo ka, akong minahal’ (16)
-
1 Ang kinanindotan nga awit,* nga iya ni Solomon:+
2 “Halokan unta ko nimo sa mga halok sa imong baba,Kay ang imong mga pahayag sa pagmahal mas maayo pa kay sa bino.+
3 Humot kaayo ang imong mga lana.+
Ang imong ngalan samag humot nga lana nga gibubo.+
Mao nga nahigugma nimo ang mga dalaga.
4 Iuban* ko; managan ta.
Kay gidala ko sa hari sa iyang mga kuwarto!
Maglipay ta ug magsadya.
Dayegon* nato ang imong mga pahayag sa pagmahal nga mas maayo pa kay sa bino.
Dili ikatingala nga ang mga dalaga nahigugma nimo.
5 Oh mga anak nga babaye sa Jerusalem, itom ko, pero guwapa,Parehas sa mga tolda sa Kedar,+ parehas sa mga telang pangtolda+ ni Solomon.
6 Ayaw kog tutoki kay itom ko,Kay nabulad ko sa adlaw.
Ang akong mga igsoong lalaki nasuko nako;Akoy ilang gipabantay sa mga ubasan,Apan ang kaugalingon nakong ubasan wala nako bantayi.
7 Sultihi ko, ikaw nga gihigugma nako pag-ayo,Kon asa nimo gipasibsib ang imong panon,+Kon asa nimo sila gipapahulay panahon sa kaudtohon.
Kay ngano man nga maparehas kog babaye nga nagtabon sa iyang nawong ug panapton*Taliwala sa mga panon sa kahayopan sa imong mga kauban?”
8 “Kon wala ka mahibalo, Oh ikaw nga kinaguwapahan sa tanang babaye,Lakaw, subaya ang mga tunob sa panon,Ug pasibsiba ang imong mga nating kanding duol sa mga tolda sa mga magbalantay.”
9 “Akong hinigugma, sama ka sa* matahom nga bayeng kabayo sa mga karo sa Paraon.+
10 Pagkanindot sa imong mga aping nga naay mga dayandayan*Ug sa imong liog nga gibutangag kuwentas.
11 Himoan ka namog mga alahas* nga bulawan
Nga gidekorasyonan ug plata.”*
12 “Samtang ang hari naglingkod sa iyang lingin nga lamesa,Ang akong pahumot*+ mialimyon.
13 Para nako, ang akong minahal samag usa ka puntil sa humot nga mira+Nga diha sa akong dughan sa kagabhion.
14 Para nako, ang akong minahal samag usa ka pungpong sa henna+Taliwala sa mga ubasan sa En-gedi.”+
15 “Pagkaguwapa nimo, akong hinigugma!
Guwapa kaayo ka! Ang imong mga mata sama nianang sa mga salampati.”+
16 “Guwapo sab ka, akong minahal, ug makapalipay kaayo ka.+
Ang atong higdaanan maoy mga dahon.
17 Ang mga sagbayan sa atong balay* maoy mga sedro,Ang atong mga salagunting maoy mga kahoyng junipero.
