Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

JW LIBRARY

Kon Unsaon nga Komportable ang Imong Pagbasa—Android

Kon Unsaon nga Komportable ang Imong Pagbasa—Android

Daghag features ang JW Library para komportable ang imong pagbasa. Kini nga mga function makita sa navigation bar sa taas sa screen dihang magbasa kag kapitulo o artikulo.

Kinahanglan pindoton nimo ang More button para makita ang ubang functions diha sa navigation bar.

Sunda ang mosunod nga mga instruksiyon para komportable ang imong pagbasa:

 Kon Unsaon Pag-ilis ug Pinulongan

Puwede nimong ilisan ang pinulongan sa kapitulo o artikulo nga imong gibasa.

  • Pindota ang Languages button para makita ang ubang pinulongan nga available para sa publikasyon nga imong gibasa. Nag-una sa listahan ang mga pinulongan nga kanunay nimong gigamit. Makita sab dinhi ang simplified editions sa The Watchtower. Puwede sab nimong i-search ang pinulongan nga imong gusto.

  • Mailhan nimo nga ang pinulongan wala pa ma-download kay naa niy cloud icon. Pindota ang gusto nimong pinulongan para ma-download ang publikasyon. Human ma-download ang publikasyon, mawala na ang cloud icon. Pindotag usab ang maong pinulongan para mabasa kini.

 Kon Unsaon Pag-adjust sa Text Size

Puwede nimong i-adjust ang text size para klaro nimo ning mabasa.

Pindota ang Text Settings button unya irog-iroga ang slider para pagamyon o padak-on ang mga letra. Kon na-adjust na nimo, parehas nga text size ang makita nimo sa tanang publikasyon.

 Kon Unsaon Paggamit sa View Image o Text

Puwede nimong i-view ang mga artikulo sa image o text format. Pindota ang toggle button aron mailis-ilis ang format niini.

  • Image Format: Kon pilion nimo ang image view makita nimo ang samang hitsura sa nakaimprenta nga publikasyon. Daghan ang mopili niini nga format kon mag-view ug mga publikasyon sama sa songbok, diin makita ang nota sa musika.

  • Text Format: Kon text view ang imong pilion, mapindot nimo ang mga link sa mga teksto, ug puwede sab nimong i-adjust ang text size sa publikasyon.

 Kon Unsaon Paggamit sa Open in . . .

Puwede nimong pindoton ang Open in . . . para mabasa nimo ang publikasyon sa JW Library sa ubang apps.

Pindota ang Open in . . . para makapili ka sa available nga options. Pananglitan, puwede nimong pilion ang Online Library para mabasa nimo ang publikasyon sa Watchtower ONLINE LIBRARY.

 Kon Unsaon Paggamit sa Customize Button sa Pagbasag Teksto

Kon imong pindoton ang usa ka teksto, mabasa nimo ang mga bersikulo niini. Pindota ang Customize button ubos sa mga bersikulo para makapili ka kon unsang mga hubad sa Bibliya nga imong gi-download ang gusto nimong iapil sa listahan.

Pindota ang Add kon naa kay gustong iapil, o Remove kon naa kay gustong tangtangon. Puwede nimong i-drag pataas o paubos ang mga Bibliya para i-adjust ang pagkahan-ay niini.

Basaha ang “Kon Unsaon Pag-download ug Pag-manage ug mga Bibliya—Android,” aron mahibalo ka kon unsaon pagdugang ug ubang Bibliya diha sa JW Library.

Kini nga features gi-release niadtong Pebrero 2015 diha sa JW Library 1.4, nga compatible sa Android 2.3 o sa mas bag-ong mga version. Kon dili nimo ni makita nga features, palihog sunda ang mga instruksiyon sa artikulong “Kon Unsaon Paggamit sa JW Library—Android,” ubos sa ulohan nga Get the Latest Features.