Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MGA BATAN-ON NANGUTANA

Unsay Akong Himoon Aron Ganahan Kong Mag-ehersisyo?

Unsay Akong Himoon Aron Ganahan Kong Mag-ehersisyo?

Ang Bibliya nag-ingon: ‘Ang lawasnong pagbansay may kapuslanan.’ (1 Timoteo 4:8) Pero daghang batan-on nga moingon, “kinahanglan kong mag-ehersisyo” dili ganahang mag-ehersisyo.

  • “Dili katuohan nga daghang batan-on wala makapasar sa P.E. sa hayskul pa ko, nga kinasayonan man unta kadto!”—Richard, 21.

  • “Ang uban moingon, ‘Nganong magkapoy-kapoy man kog dagan sa init hangtod magkadusingot nga pwede mang magdulag video game nga mora kog nag-ehersisyo?’”—Ruth, 22.

Kon ingon ka niana, tagda ang tulo ka benepisyo sa maayong programa sa pag-ehersisyo.

Benepisyo 1. Ang ehersisyo makalig-on sa resistensiya. Si Papa kanunayng moingon, ‘Kon dili ka mogahin ug panahon sa pag-ehersisyo, magsakit gyod ka,’” miingon ang 19 anyos nga si Rachel.

Benepisyo 2. Ang pag-ehersisyo mopagawas ug mga kemikal sa utok nga makapakalma. Ang pagdagan makapakalma nako kon daghan kog gihunahuna,” matod pa sa 16 anyos nga si Emily. “Hayahay ug gaan ang akong pamati.

Benepisyo 3. Ang pag-ehersisyo makalingaw. Ganahan kong anaa lang ko pirme sa gawas,” miingon ang 22 anyos nga si Ruth, “busa apil sa akong ehersisyo ang pag-hike, paglangoy, pag-snowboarding, ug pagbisikleta.

Sekreto sa Kalamposan: Paggahin ug bisan 20 minutos lang tulo ka beses sa usa ka semana sa ehersisyo nga ganahan ka.

Hinumdomi kini: Bisan tuod ang kaliwat makaapektar sa kahimsog, ang imong panglawas sagad nagdepende sa imong gipiling paagi sa pagkinabuhi. Busa kon moingon ka, “Kinahanglan kong mag-ehersisyo,” ikay desisyon; may mahimo ka niini!