Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Akong Himoon Dihang Mobati Kog Kamingaw?

Unsay Akong Himoon Dihang Mobati Kog Kamingaw?

Kon unsay imong mahimo

1. Hunahunaa ang imong maayong mga hiyas. (2 Corinto 11:6) Siyempre may mga kahuyangan ka, ug maayong masayod ka niini, apan duna pod kay maayong mga hiyas. Kon nahibalo ka sa imong maayong mga hiyas, dili ka maglisod pagwala sa imong negatibong panglantaw sa imong kaugalingon ug mabuntog nimo ang kamingaw. Pangutan-a ang imong kaugalingon, ‘Unsa man ang akong maayong mga hiyas?’ Hunahunaa ang imong mga katakos ug maayong mga kinaiya.

2. Pagpakitag tinuod nga interes sa uban. Sulayi ang pagpakitag interes sa pipila lang una ka tawo. “Bisan ang pagpangomosta lang kanila o pagpangutana bahin sa ilang trabaho makatabang na aron mas mailhan nimo sila,” miingon ang batan-on nga si Jorge.

Kinahanglang maghimo kag paagi aron makakita kag mga higala

Sugyot: Pakighigala usab sa mga hamtong, dili lang sa imong mga isigkabatan-on. Dako kaayog diperensiya ang edad sa pipila ka suod nga managhigala nga narekord sa Bibliya, sama kang Ruth ug Noemi, David ug Jonatan, ug Timoteo ug Pablo. (Ruth 1:16, 17; 1 Samuel 18:1; 1 Corinto 4:17) Hinumdomi usab nga ang panag-estoryahay maoy panagbayloay ug mga ideya sa duha ka tawo. Malipay ang mga tawo nimo kon paminawon nimo sila. Busa kon medyo maulawon ka, ayawg kabalaka—dili kinahanglang ikaw ang magsigeg sulti!

3. Ugmara ang ‘pagkamabination.(1 Pedro 3:8) Bisag dili ka mouyon sa opinyon sa imong gikaestorya, hatagi siyag higayon nga makapahayag sa iyang hunahuna. Maoy estoryahi ang mga butang nga inyong gikauyonan. Kon may gisulti siya nga supak ka ug gusto nimong ipahayag ang imong opinyon, sulti sa malumo ug mataktikanhong paagi.

Sugyot: Pakigsulti sa uban sa paagi nga buot nimong makigsulti sila kanimo. Likayan ka sa uban kon ikaw palaaway, sungogan, insultador o tigpangitag sayop. Mas ganahan sila nimo kon ‘ang imong sinultihan kanunayng madanihon.’—Colosas 4:6.

 

Pagkat-og Dugang

Pagbuntog sa Pagbating Nag-inusara

Mibati ka ba nga nag-inusara? Gamita ang worksheet sa pag-ila kon nganong mibati ka niini ug kon unsaon pagsagubang niini nga pagbati.

Unsay Tinuod nga Higala?

Daghan ang dili tinuod nga higala. Apan sa unsang paagi ka makakitag tinuod nga higala?

Unsaon Nako Pagpakitag Maayong Unang Impresyon?

Kitang tanan dunay impresyon bahin sa uban. Unsay unang impresyon sa ubang tawo bahin kanimo?