Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MGA BATAN-ON NANGUTANA

Unsay Akong Himoon Aron Dili Ko Motambok?

Unsay Akong Himoon Aron Dili Ko Motambok?

Ang Bibliya nagsugyot nga “magmakasaranganon sa batasan.” (1 Timoteo 3:2) Lakip na niana ang batasan sa pagkaon. Mahimo nimong sulayan kining mosunod.

Hunong nag kaon kon busog ka na. Kaniadto ginaihap nako ang kaloriya sa pagkaon,” miingon ang 19 anyos nga si Julia, “apan karon moundang kog kaon kon busog na ko.

Likayi ang pagkaong dili makahimsog. Sa miundang na kog inom ug soft drinks,miingon ang 21 anyos nga si Peter, “nakuhaag singko kilos ang akong timbang sa usa lang ka bulan!

Usba ang dili maayong batasan sa pagkaon. Kon unsay naa sa akong plato mao ra pod nay akong hutdon, dili na ko mokuhag dugang,” miingon ang 19 anyos nga si Erin.

Sekreto sa Kalamposan: Ayaw pagpaltag kaon! Kon mopalta ka, gutmon kag maayo ug daghan hinuon kag makaon.

Ugaling lang, ang uban sayop ug panghunahuna bahin sa ilang lawas, sanglit gusto silang magpaniwang bisag normal rag timbang. Pero unsay imong himoon kon kinahanglan gyod kang magpakunhod ug timbang? Sayra ang gihimo ni Catherine.

“Sa tin-edyer pa ko, wala ko ganahi sa akong kaugalingon kay tambok ko. Naguol kaayo ko sa akong hitsura!

“Makadaghan kong misulay sa pagpaniwang pinaagig pagdiyeta, pero mobalik ra pod kog katambok. Busa sa nag-edad kog 15, nakaingon ko nga kinahanglang magbag-o ko sa akong pagkinabuhi. Gusto kong magpaniwang sa hustong paagi—usa ka paagi nga akong masunod sa tibuok nakong kinabuhi.

“Mipalit kog libro nga naghisgot bahin sa pagkaon ug ehersisyo, ug akong gisunod ang akong nabasa. Determinado ko nga bisag usahay dili ko kini masunod o mawad-an kog gana, dili gyod ko mosurender.

“Ug unsay nahitabo? Kini miepekto! Paglabayg usa ka tuig, nakuhaag mga 27 kilos ang akong timbang. Namentinar nako ang hustong timbang sulod sa duha ka tuig. Wala gyod ko magdahom nga moniwang ko!

“Sa akong tan-aw, nahimo nako kana dili tungod lang sa akong pagdiyeta—gibag-o ko ang akong pagkinabuhi.”—Catherine, 18.

 

Pagkat-og Dugang

Pagpakigbisog Batok sa Pagkahimong Tambok nga Batan-on

Basaha kon unsang simpleng kausaban ang gihimo sa usa ka hingaon ug junk-food ug milampos sa iyang paningkamot.