Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Akong Himoon Kon Malisdan Kong Makakitag Higala?

Unsay Akong Himoon Kon Malisdan Kong Makakitag Higala?

Kon unsay imong mahimo

Una, sayra kon kang kinsa ka malisdan sa pagpakighigala.

Edad:

Malisdan kong makighigala sa mga ...

  • kaedad nako
  • magulang nako
  • hamtong

Abilidad:

Malisdan kong makighigala sa mga ...

  • hawod sa sports
  • abilidaran
  • brayt

Personalidad:

Malisdan kong makighigala sa mga ...

  • may kompiyansa sa kaugalingon
  • popular
  • himarkada

Ikaduha, pilia ang sagad nimong reaksiyon kon makauban nimo ang mga tawo nga imong napili sa ibabaw.

  • Magpakaaron-ingnon nga sama mig gusto o abilidad.
  • Dili magtagad kon unsay ilang gusto ug maghisgot lang bahin sa kaugalingon.
  • Maghilom ug mangitag higayon nga makabiya.

Ikatulo, ikaw ang mouna! Ayaw pagdahom nga ang uban maoy pirmeng mouna sa pagpakighigala nimo; usahay ikaw ang angayng mouna sa pagpakighigala kanila. (Filipos 2:4) Unsaon nimo kana paghimo?

Pakighigala niadtong dili nimo kaedad. Hunahunaa kini: Nganong anha man lang ka mangita sa imong mga kaedad ug unya moreklamo nga dili ka makakitag higala? Kon ingon ka niini, sama ra ka sa usa ka tawo diha sa isla nga gigutom pag-ayo nga unta daghan mang makuha nga isda!

Giingnan ko ni Mama nga makigsulti ko sa mga magulang nako. Siya miingon nga madiskobrehan ra unya nako nga dunay mga butang nga magkasinabot mi. Husto siya, ug karon daghan na kog higala!”—Helena, 20 anyos.

Ugmara ang katakos sa pagpakigsulti. Makatabang ang (1) pagpaminaw, (2) pagpangutana, ug (3) pagpakitag tinuod nga interes.—Santiago 1:19.

Maningkamot ko sa pagpaminaw imbes magpunayg sulti. Ug sa dihang mosulti ko, likayan nako ang paghisgot sa akong kaugalingon o pagsultig negatibong butang bahin sa uban.”—Serena, 18 anyos.

Kon dili ko pamilyar sa gustong ipakig-estorya sa usa, hangyoon nako siya sa pagpatin-aw niana aron moestorya pa siyag dugang.”—Jared, 21 anyos.

Maulawon ko, mao nga maglisod ko sa pagpakig-estorya sa uban. Apan aron makabatog mga higala, kinahanglang mahigalaon ka. Busa naningkamot kong makig-estorya.”—Leah, 16 anyos.

 

Pagkat-og Dugang

Sayop Bang Mapopular?

Ang mga batan-on lainlaig himoong paagi aron mapopular. Sayop ba kon gusto kang maangayan sa uban?

Kinsa ang Akong Tinuod nga mga Higala?

Sayra kon sa unsang paagi makabaton kag tinuod nga mga higala nga mounong nimo.