Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Akong Himoon Aron Magkasinabot Mi sa Akong Titser?

Unsay Akong Himoon Aron Magkasinabot Mi sa Akong Titser?

Hunahunaa kini!

Tagda ang nahitabo kang Rachel. Kanunay gyong taas ug grado si Rachel. Dayon, pagtungtong niyag Grade 7, ang tanan nausab. “Nangitag paagi ang akong maestro nga mahagbong ko sa iyang klase,” miingon si Rachel. Ngano man? Gipakita sa maestro kang Rachel ug sa iyang inahan nga siya wala makaangay sa ilang relihiyon.

Ang mga titser samag batong-tikanganan nga makatabang nimo sa pagtabok gikan sa kawalay alamag ngadto sa pagkabatog kahibalo, apan kinahanglang magkugi ka sa pagtuon

Unsay nahitabo? Si Rachel miingon: “Sa matag higayong hatagan ko sa akong maestro ug mubong grado tungod lang sa akong relihiyon, kuyogan ko ni Mama aron pakigsultihan siya. Human niadto, wala na ko niya lisod-lisora.

Kon ingon niini ang imong kahimtang, ayaw kahadlok sa pagsulti sa imong problema ngadto sa imong ginikanan. Andam silang makigsulti sa titser ug sa mga nagdumala sa eskuylahan sa pagsulbad niini.

Tinuod, dili tanang problema dali nga masulbad. Usahay, kinahanglang magpailob ka. (Roma 12:17, 18) “Ang usa nako ka maestro laig tinagdan sa iyang mga estudyante,” miingon si Tanya. “Kanunay mi niyang insultohon, tawgon mi niyag mga bugo. Sa primero nakahilak ko, pero sa ulahi wala na nako tagda ang iyang mga insulto. Nagkugi ko sa pagtuon ug sa mga buluhaton sa klase. Busa wala na siya magsamok-samok nako ug usa ko sa nakakuhag taas-taas nga grado. Paglabayg duha ka tuig, ang maestro gipotbol.

Hinumdomi: Pagtuon kon unsaon pagpakig-atubang sa titser nga lisod ikasabot kay may makat-onan kang katakos nga mapuslanon sa kinabuhi. Mapuslan unya ni nimo kon duna kay amo nga lisod ikasabot. (1 Pedro 2:18) Makakat-on ka usab sa pagpakitag apresasyon sa buotang mga titser.

 

Pagkat-og Dugang

Unsaon Nako Pagsagubang ang Kapit-os Diha sa Eskuylahan?

Ang tensiyon diha sa eskuylahan lainlaig hinungdan. Sayra ang lima ka paagi sa pagsagubang sa tensiyon.