Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MGA BATAN-ON NANGUTANA

Unsay Akong Himoon Aron Sakto Kog Tulog?

Unsay Akong Himoon Aron Sakto Kog Tulog?

Ang Bibliya nag-ingon: ‘Mas maayo pa ang usa ka hakop nga pahulay kay sa duha ka hakop nga paghago ug paggukod sa hangin.’ (Ecclesiastes 4:6) Kon kulang kag tulog, menos kag mahimo!

  • “Kon kulang kog tulog, dili ko makahunahunag maayo. Kulang kog konsentrasyon!”—Rachel, 19.

  • “Sa mga alas 2:00 sa hapon, kapoy na kaayo ko nga halos makatulog ko samtang makig-estorya!”—Kristine, 19.

Kulang ka bag tulog? Aniay gihimo sa ubang batan-on.

Ayaw pagpulaw. Matulog gyod kog sayo,” miingon ang 18 anyos nga si Catherine.

Ayaw nag pakig-estorya kon gabii nang dako. Usahay teksan o tawgan ko sa akong mga higala bisag gabii nang dako,” miingon ang 21 anyos nga si Richard, “pero karon dili na ko makig-estoryag dugay aron makatulog kog sayo.

Sunda ang imong eskedyul. Di pa dugay,” miingon ang 20 anyos nga si Jennifer, “maningkamot kong matulog ug momata sa samang oras matag adlaw.

Sekreto sa Kalamposan: Paningkamot nga makatulog kag mga walo ka oras matag gabii.

Daghan kag benepisyong makuha kon imong himoon ang pipila ka simpleng paagi aron makatulog kag sakto. Hinumdomi, kon maayo ang imong panglawas, momaayo ang imong panagway, mogaan ang imong pamati, ug maayo kag agi sa trabaho.

Dunay mga butang sa kinabuhi nga wala kay mahimo, apan duna kay mahimo sa imong panglawas. “Kon buot hunahunaon,” miingon ang 19 anyos nga si Erin, “ang imong kahimsog nagdepende ra nimo.