Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Akong Himoon Aron Motaas ang Akong Grado?

Unsay Akong Himoon Aron Motaas ang Akong Grado?

Kon unsay imong mahimo

Magmapositibo! Ayaw paghunahuna nga dili na ka makahimo sa pag-uswag. Kon maghunahuna kag negatibo, pulihi kanag mga butang nga positibo. Pananglitan, sa dihang gitamay sa mga tawo ang katakos sa pagpanulti ni apostol Pablo, siya mitubag: “Bisan kon ako dili batid sa pagsulti, tino nga ako dili ingon niana labot sa kahibalo.” (2 Corinto 10:10; 11:6) Nahibalo si Pablo sa iyang mga kahuyangan. Apan nahibalo sab siya sa iyang mga katakos. Komosta sa imong bahin? Unsa may imong mga katakos? Kon wala kay mahunahunaan, pangutan-a ang usa ka hamtong nga higala. Makatabang siya nimo sa pagkahibalo kon unsay imong mga katakos ug kon unsaon kana paggamit.

Ugmara ang maayong batasan sa pagtuon. Dili ka makahuman ug eskuyla kon magtinapol ka. Kinahanglan gyod kang magtuon. Tingali bug-at kini sa imong buot. Apan ang pagtuon makatabang nimo. Gani, bisag hinayhinay ra, maganahan ra kang magtuon. Apan, aron imong maugmad ang maayong batasan sa pagtuon, kinahanglang ieskedyul nimo ang imong panahon. Hinumdomi—kinahanglang unahon ang pagtuon. Tinuod, ang Bibliya nag-ingon nga dunay “panahon sa pagkatawa” ug “panahon sa paglukso.” (Ecclesiastes 3:1, 4; 11:9) Busa, sama sa ubang batan-on, tingali ganahan pod kang maglingawlingaw panagsa. Apan ang Ecclesiastes 11:4 nagpasidaan: “Siya nga nagapaniid sa hangin dili makapugas ug binhi; ug siya nga nagalantaw sa mga panganod dili makaani.” Unsay leksiyon? Ayaw pag-unya-unya kay wala kay mapalampos nga importanteng butang. Unaha ang pagtuon, iulahi ang paglingawlingaw. Ayawg kabalaka kay makapanahon ra unya ka niining duha!

Sama nga ang pag-alsag barbel makapadako sa imong lawas, ang maayong batasan sa pagtuon makapauswag sa imong pag-eskuyla.

 

Pagkat-og Dugang

Pakyas na ba Gyod Ko?

Mibati ka ba nga kulang kag katakos o nahadlok nga mapakyas?