Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Unsay Akong Himoon Kon Ginapresyur Ko sa Pagpakigsekso?

Unsay Akong Himoon Kon Ginapresyur Ko sa Pagpakigsekso?

“Unsa kaha kon mosugot ko?” tingali moingon ka. “Di ba tanan man ang nakigsekso?”

Paghunahuna una!

Ang tinuod, dili tanan ang naghimo niana.

Tingali makabasa kag mga report nga daghan ang nakigsekso. Pananglitan, gipakita sa usa ka pagtuon sa Amerika nga iniggraduwar sa hayskul, 2 sa 3 ka batan-on nakigsekso na. Apan kana nagpakita nga daghan usab—1 sa matag 3 ka batan-on—ang wala makigsekso.

Unsa may gibati niadtong naghimo niana? Nasayran sa mga tigdukiduki nga mibati sila niining mosunod.

Grabeng kaguol. Kadaghanang batan-on nga nakigsekso nagbasol pagkahuman.

Kon makigsekso ka nga wala pay kasal, morag imong gihimong trapo sa tiil ang nindot kaayo nga painting

Pagkawala sa pagsalig. Human makigsekso, motungha ang pagduda, ‘Kinsa pa kahay iyang gikasekso?’

Pagkadismaya. Daghang babaye gusto gayod ug lalaki nga mopanalipod imbes mopahimulos kanila. Ug daghang lalaki ang dili na makagusto sa mga babaye nga ila nang napahimuslan.

Ang punto: Ang imong lawas dili basta lang ipanghatag. Ipakita nga tarong kang pagkatawo pinaagi sa pagsunod sa balaod sa Diyos bahin sa pagpakigsekso. Kon maminyo ka na, puwede ka nang makigsekso. Ug ma-enjoy pa nimo kanag maayo, kay dili ka makonsensiya, magbasol, ug maguol, nga maoy sagad bation niadtong nakigsekso nga wala pay kasal.—Proverbio 7:22, 23; 1 Corinto 7:3.

 

Pagkat-og Dugang

MGA TIN-EDYER

Gisukna sa mga Batan-on, Tomo 2

Eskuylahan, lingaw-lingaw, higala, ginikanan, kausaban sa lawas, imong pagbati, ug kaatbang nga sekso, pipila lang ni sa mga ulohang gihisgotan.