Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Unsay Akong Himoon Aron Masuklan ang Tentasyon?

Unsay Akong Himoon Aron Masuklan ang Tentasyon?

Kon unsay imong mahimo

Una, hinumdomi nga ikaw ang may responsabilidad sa imong mga lihok—bisag unsa pay himoon sa imong mga higala.

Ikaduha, susiha kon unsang tentasyon ang kinalisoran para nimo.

Dayon, pangutan-a ang kaugalingon, ‘Asa ko sagad makaatubang ug tentasyon?’ (Sa eskuylahan? Sa trabahoan? Asa pa?) Imong malikayan ang tentasyon kon mahibalo ka kon asa kini sagad mahitabo.

Karon, andam ka na kon unsay himoon. Pangita dayon ug paagi sa paglikay sa tentasyon. (Pananglitan: Kon inigtapos sa klase masugatan nimo kanunay ang imong mga eskolmet nga magsigeg tanyag nimog sigarilyo, maayong mangita kag laing agianan.) Kini ang tinuod: Ang “mga higala” nga magtental nimo sa paghimog daotan dili gyod nimo tinuod nga mga higala.

Kon magpadala ka sa tentasyon, maulipon ka sa imong kailibgon

Siyempre, dili nimo malikayan ang tanang tentasyon. Basin dili ka makamatikod nga naa na diay kini sa imong atubangan. Unsay imong himoon?

Kinahanglang andam ka!

Hunahunaa kini: Si Jesus nahibalo kon unsay iyang himoon kon dunay tentasyon. Determinado siya nga magmasinugtanon kanunay sa iyang Amahan. (Juan 8:28, 29) Busa, importante nga nahibalo ka daan kon unsay imong himoon.

Sulayi kini. Paghunahunag duha ka rason kon nganong kinahanglan nimong suklan ang tentasyon nga sagad nimong maatubang, ug paghunahunag duha ka paagi sa pagsukol niana.

Nganong magpakontrolar ka man sa uban? Buhata kon unsay nahibaloan nimong husto. (Colosas 3:5) Ug iampo gayod kini.—Mateo 6:13.

 

Pagkat-og Dugang

MGA TIN-EDYER

Gisukna sa mga Batan-on, Tomo 2

Eskuylahan, lingaw-lingaw, higala, ginikanan, kausaban sa lawas, imong pagbati, ug kaatbang nga sekso, pipila lang ni sa mga ulohang gihisgotan.

PAGMATA!

Kon Unsay Himoon Dihang Presyuron Ka sa Ubang Batan-on

Tungod sa presyur, ang usa ka maayong tawo makahimog daotan. Sayra kon unsay angay nimong mahibaloan bahin sa presyur ug kon unsaon kini pagsagubang.

MGA BATAN-ON NANGUTANA

Ginapresyur Ka ba sa Pagpakigsekso?

Magpadaog ka ba? Dili ka kaha magbasol?