Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MGA BATAN-ON NANGUTANA

Friends ra o More Than Friends?—Bahin 2: Unsang mga Senyales ang Akong Gipakita?

Friends ra o More Than Friends?—Bahin 2: Unsang mga Senyales ang Akong Gipakita?

Gusto nimong hatagag panahon ang imong mga amigo o amiga nga nanginahanglag kaestorya. Di pa dugay, naay usa nila nga pirme nimong makaestorya. Pero ang problema, dili mo parehas ug gender. ‘Friends ra man mi,’ morason tingali ka, nga naghunahuna nga ingon ana pod ang iyang tan-aw nimo. Angay ba kang mabalaka?

 Unsay puwedeng mahitabo?

Kon lalaki ka, dili man sayop nga naa kay mga amiga, ug kon babaye ka, dili sab sayop nga naa kay mga amigo. Pero unsaon man kon naay usa nila nga mas espesyal ang imong pagtagad kay sa uban? Sa maong situwasyon, tingali makahunahuna siya nga more than friends ang imong tan-aw niya.

Mao ba nay gusto nimong hunahunaon niya? Niay pipila ka posibilidad nga mahitabo na, bisag wala nimo tuyoa.

  • Naghatag ka niyag sobrang atensiyon.

    “Bisag dili nimo makontrol ang iyang gibati, dili maayo nga imo nang sugnoran pinaagi sa pag-ingon nga friends ra mo pero sige mog estoryahanay sa phone man o personal.”—Sierra.

  • Mibalos ka sa iyang gipakitang atensiyon.

    “Dili man ako ang unang ni-text, pero pirme nakong replayan ang mga text sa akong amiga. Maong naglisod kog sulti niya nga friends ray akong tan-aw niya.”—Richard.

  • Naghimo kag paagi aron makuha ang iyang atensiyon.

    “Ang ubang tawo naghunahuna nga okey rang duladulaan ang feelings sa uban. Ipakita nila nga nakagusto sila pero dili diay seryoso. Daghan na kog nakita nga ingon ana, ug pirmeng naay masakitan.”—Tamara.

Ang punto: Kon pirme kang makig-estorya ug maghatag ug sobrang atensiyon, nagpakita kag senyales nga nakagusto ka.

 Nganong angay kang mag-amping?

  • Mapasakitan nimo ang pagbati sa uban.

    Ang Bibliya nag-ingon: “Ang pagdahom nga nalangan makapasakit sa kasingkasing.” (Proverbio 13:12) Unsay imong dahomon kon ang usa ka tawo magsigeg pakitag senyales nga nakagusto siya nimo?

    “Naay panultihon nga, ‘Gipakubit lang nimo.’ Sama ra nag nakapingwit kag isda pero dili nimo gustong buhian o birahon. Puwede pod nang mahitabo sa usa ka relasyon. Kon wala kay planong mosulod ug relasyon pero naa kay ‘gipakubit,’ imo ra siyang mapasakitan.”—Jessica.

  • Madaot ang imong reputasyon.

    Ang Bibliya nag-ingon: ‘Tan-awa dili lang ang imong kaugalingong kaayohan kondili ang kaayohan usab sa uban.’ (Filipos 2:4, Ang Biblia, NCV) Unsay imong tan-aw sa tawo nga kaugalingon ray gihunahuna? Unsay epekto niana sa reputasyon sa maong tawo?

    “Di gyod ko ganahag lalaki nga magduladula sa feelings sa mga babaye. Para nako, senyales ni nga posibleng magluib siya inigkaminyo niya. Gusto lang siya nga naay ikapanghambog sa uban, ug nagpakita na nga kaugalingon ray iyang gihunahuna.”—Julia.

Ang punto: Kon maghatag kag mga senyales nga nakagusto ka pero wala kay plano nga mosulod ug relasyon, mapasakitan nimo ang uban ug ang imong kaugalingon.

 Ang imong mahimo

  • Ang Bibliya nagsugo nga trataron ang “batan-ong mga lalaki ingong igsoong mga lalaki” ug ang “batan-ong mga babaye ingong igsoong mga babaye,” uban ang hinlong motibo. (1 Timoteo 5:1, 2) Kon imo nang sundon, dili madaot ang imong panaghigala sa imong amigo o amiga.

    “Kon minyo ko, dili gyod ko magpakitag espesyal nga atensiyon sa dili nako bana. Maayong karon pa lang, samtang single pa, mag-amping na ko sa akong tinagdan sa akong mga amigo.”—Leah.

  • Ang Bibliya nag-ingon: ‘Kon daghan ang mga pulong, ang sala dili malikayan.’ (Proberbio 10:19, Ang Biblia, NCV) Kanang prinsipyoha mapadapat dili lang sa pagpakig-estorya kondili diha usab sa pagtext—apil na kon unsa ka regular ang inyong komunikasyon ug kon unsay inyong ginaestoryahan.

    “Dili maayo nga kada adlaw kang mag-text sa usa ka babaye, gawas lang kon naa kay planong manguyab niya.”—Brian.

  • Ang Bibliya nag-ingon: “Ang kaalam nga gikan sa itaas maoy una sa tanan putli.” (Santiago 3:17) Ang paggakos puwedeng wala ray malisya—o puwede pod nga senyales nga nakagusto ka.

    “Naningkamot ko nga mahimong friendly dihang makig-estorya sa uban pero nagbutang gihapon kog limitasyon.”—Maria.

Ang punto: Susihag maayo kon unsay imong tinagdan sa imong amigo o amiga. “Lisod mangitag suod nga mga higala ug dili nimo gustong mawala ang inyong kasuod tungod lang sa paghatag kanilag mga senyales nga nakagusto ka pero wala diay,” miingon ang tin-edyer nga si Jennifer.

 Mga tip

  •  Pamati sa komento sa uban. Kon naay mangutana, “Uyab na mo ana niya?” kana nagpakita nga basin sobra na ang inyong kasuod.

  •  Seguroa nga parehas ang imong tinagdan sa imong mga amigo o amiga. Ayaw paghatag ug espesyal nga pagtagad sa usa lang nimo ka amigo o amiga.

  • Mag-amping sa pag-text—apil na kon unsa ka regular kang mag-text, unsay imong gi-text, ug kon unsang orasa ka mag-text. “Dili ka kinahanglang makig-text sa imong amigo o amiga kon gabii nang dako,” miingon ang batan-ong si Alyssa.

Tan-awa Usab ang

Pagkat-og Dugang

Friends ra o More Than Friends?—Bahin 1: Unsang mga Senyales ang Akong Nadawat?

Niay mga tip aron mahibaloan nimo kon ang usa ka tawo naa bay feelings nimo o nakig-amigo ra.