Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Akong Himoon Aron Dili Ko Maghunahuna Bahin sa Pagpakigsekso?

Unsay Akong Himoon Aron Dili Ko Maghunahuna Bahin sa Pagpakigsekso?

Kon unsay imong mahimo

Piliag maayo ang imong mga kauban. Kon moapil ka sa hilas nga mga estorya sa imong mga higala ug mga klasmet, mas malisdan ka sa pagwala sa pagpakigsekso diha sa imong hunahuna. Sagad, makakita ra kag paagi sa pagbiya nga dili sila makaingon nga nagpakamatarong ka sa kaugalingon nga tungod niana biaybiayon ka.

Gusto ka bang ma-virus ang imong computer? Nan, nganong magpasulod ka mag hilas nga mga butang sa imong hunahuna?

Likayi ang hilas nga kalingawan. Kadaghanan sa kalingawan karon makapukaw sa seksuwal nga gana. Unsay tambag sa Bibliya? “Hinloan nato ang atong kaugalingon sa tanang kahugawan sa unod ug espiritu, nga magahingpit sa pagkabalaan diha sa kahadlok sa Diyos.” (2 Corinto 7:1) Likayi ang kalingawan nga makapukaw sa gana sa pagpakigsekso.

Hinumdomi kini: Ang seksuwal nga pagbati dili daotan. Ang tinuod, gilalang sa Diyos ang lalaki ug babaye nga maibog sa usag usa, ug mahimo nilang tagbawon ang ilang seksuwal nga pagbati kon makasal na. Busa kon mobati kag grabeng seksuwal nga gana, ayawg hunahunaa nga daotan o imoral ka.

Ang punto: Makapili ka kon unsay gusto nimong hunahunaon. Puwede kang mahimong hinlo sa hunahuna ug sa buhat kon gusto ka!

 

Pagkat-og Dugang

Gisukna sa mga Batan-on, Tomo 1

Alkoholikong ilimnon ug droga, seksuwal nga moralidad, pagpakigdeyt ug pagpakigtrato, pipila lang ni sa mga ulohang gihisgotan.