Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MGA BATAN-ON NANGUTANA

Andam na ba Akong Magminyo?

Andam na ba Akong Magminyo?

Sa dili pa nimo kana tubagon, ilha unag maayo ang imong kaugalingon. Pananglitan, palandonga ang mosunod:

Relasyon

Giunsa nimo pagtratar ang imong ginikanan ug mga igsoon? Masuko ka ba dayon nila, nga tingali mosultig sakit o manginsulto sa pagpahayag sa imong opinyon? Unsay ilang ikasulti bahin kanimo niining bahina? Kon unsay imong pagtratar sa mga membro sa imong pamilya mao pod unyay imong pagtratar sa imong kapikas.—Efeso 4:31.

Panglantaw

Positibo ba o negatibo kag panglantaw? Makataronganon ka ba, o moinsistir ka ba kanunay sa imong gusto? Kalmado ka ba gihapon bisan sa makapungot nga kahimtang? Taas ka bag pasensiya? Ang pagpalambo sa mga bahin sa bunga sa espiritu sa Diyos karon makatabang sa pag-andam kanimo sa pagkahimong bana o asawa.—Galacia 5:22, 23.

Panalapi

Maayo ka bang mobadyet ug kuwarta? Kanunay ka bang may utang? Makadugay ka ba sa usa ka trabaho? Kon dili, ngano man? Tungod ba sa trabaho mismo? Sa amo? O tungod sa imong dili maayong batasan? Kon dili ka makamaong mobadyet sa imong kuwarta, unsa pa kaha kon may pamilya ka na?—1 Timoteo 5:8.

Espirituwalidad

Kon Saksi ni Jehova ka, unsay imong espirituwal nga mga hiyas? Kinahanglan ka pa bang pahinumdoman sa pagbasa sa Bibliya ug sa pagpakigbahin sa ministeryo ug sa Kristohanong mga tigom? Ang tawo nga imong pakaslan takos nga makabaton ug kapikas nga lig-on ug espirituwalidad.Ecclesiastes 4:9, 10.

Kon nakaila ka sa imong kaugalingon, mas dakog posibilidad nga makakita kag tawo nga makapalambo sa imong maayong mga kinaiya imbes makapasamot sa imong mga kahuyangan.

 

Pagkat-og Dugang

Unsay Akong Madahom sa Kaminyoon?—Bahin 1

Unsang mga benepisyo ug mga problema ang imong madahom sa kaminyoon?

Unsay Akong Madahom sa Kaminyoon?—Bahin 2

Sayra kon sa unsang paagi makapangandam ka sa wala damhang mga problema sa kaminyoon.