Laktaw ngadto sa video

Laktaw ngadto sa secondary menu

Mga Saksi ni Jehova

Cebuano

Duna bay Tukmang Rekord ang Bibliya sa Kinabuhi ni Jesus?

Tubag sa Bibliya

Ang magsusulat sa Bibliya nga si Lucas nag-ingon bahin sa iyang asoy sa kinabuhi ni Jesus: “Nasubay ko uban ang katukma ang tanang butang gikan sa sinugdan.”—Lucas 1:3.

Ang uban nag-ingon nga ang mga asoy sa kinabuhi ni Jesus diha sa Mga Ebanghelyo—ang mga sinulat sa iyang mga katalirongan nga si Mateo, Marcos, Lucas, ug Juan—giusab sa katuigang 300 C.E.

Apan dunay importante kaayong bahin sa Ebanghelyo ni Juan nga nakaplagan didto sa Ehipto sa sayong bahin sa katuigang 1900. Kini ginganlag Papyrus Rylands 457 (P52) ug gitipigan diha sa John Rylands Library, sa Manchester, England. Kini naundan sa mga pulong sa Juan 18:31-33, 37, 38 diha sa mga Bibliya karon.

Kini ang labing karaang tipik sa manuskrito sa Kristohanon Gregong Kasulatan. Nagtuo ang daghang eskolar nga kini gisulat niadtong 125 C.E., kapin lag mga 25 ka tuig human masulat ang orihinal nga manuskrito. Kon itandi sa ulahing mga manuskrito, halos wala ra kiniy kalainan.