Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsay Giingon sa Bibliya Bahin sa Pagminyog Laing Rasa?

Unsay Giingon sa Bibliya Bahin sa Pagminyog Laing Rasa?

Tubag sa Bibliya

Uyon ang Diyos sa kaminyoon sa lalaki ug babaye nga managlahig rasa kay ang tanang rasa managsama ra sa iyang panglantaw. Ang Bibliya nag-ingon: “Ang Diyos patas ug pagtagad sa tanan . . . , bisag unsay rasa.”—Buhat 10:34, 35, Good News Translation.

Tagda ang ubang prinsipyo sa Bibliya bahin sa pagkamanagsama sa lainlaing rasa ug kaminyoon.

Usa ray gigikanan sa tanang rasa

Ang tanan naggikan sa unang tawo, si Adan, ug sa iyang asawa, si Eva, kinsa gitawag sa Bibliya nga “inahan sa tanang tawo nga buhi.” (Genesis 3:20) Tungod niini, ang Bibliya nag-ingon bahin sa Diyos: “Iyang gihimo gikan sa usa ka tawo ang tanang nasod sa katawhan.” (Buhat 17:26) Bisan unsay ilang rasa, ang tanang tawo maoy bahin sa usa lang ka pamilya. Apan komosta kon komon sa inyong dapit ang pagpihig sa rasa o sa hut-ong sa katilingban?

Ang maalamong mga tawo ‘magkonsultahanay’

Bisag dalawaton sa Diyos ang pagminyog laing rasa, dili tanan ang sama niyag panglantaw. (Isaias 55:8, 9) Kon nagplano kang makigminyog laing rasa, angayng hisgotan nimo ug sa imong umaabot nga kapikas ang mosunod:

  • Sa unsang paagi nimo atubangon ang mga pagpit-os gikan sa imong komunidad o pamilya?

  • Sa unsang paagi nimo matabangan ang imong mga anak sa pagsagubang sa pagpihig?

Ang ‘pagkonsultahanay’ makatabang nimo sa pagpalampos sa imong kaminyoon.—Proverbio 13:10; 21:5.

 

Pagkat-og Dugang

Kitang Tanan Usa ka Pamilya

Ang uban bang rasa labaw sa uban? Unsay giingon sa siyensiya ug Bibliya bahin sa pagpihig sa rasa ug panag-angay?