Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

Unsa ang Ilhanan sa “Kataposang mga Adlaw,” o “Panahon sa Kataposan”?

Unsa ang Ilhanan sa “Kataposang mga Adlaw,” o “Panahon sa Kataposan”?

Tubag sa Bibliya

Ang Bibliya naghisgot sa mga panghitabo ug sa mga kahimtang nga magpaila sa “kataposan sa sistema sa mga butang,” o sa “kataposan sa kalibotan.” (Mateo 24:3; Maayong Balita Biblia, PBS) Ang Bibliya nagtawag niini nga “kataposang mga adlaw,” o “panahon sa kataposan.” (2 Timoteo 3:1; Daniel 8:19) Kini mao ang pipila sa mga tagna bahin sa kataposang mga adlaw, o panahon sa kataposan:

  • Dagkong mga gubat.—Mateo 24:7; Pinadayag 6:4.

  • Gutom.—Mateo 24:7; Pinadayag 6:5, 6.

  • Kusog nga mga linog.—Lucas 21:11.

  • Kamatay, o epidemya sa makahahadlok nga mga sakit.—Lucas 21:11.

  • Pagdaghan sa krimen.—Mateo 24:12.

  • Pagkadaot sa yuta tungod sa mga tawo.—Pinadayag 11:18.

  • Pagkadaot sa batasan sa mga tawo, sama sa gipakita sa daghan kinsa “dili-mapasalamaton, dili-maunongon, . . . dili-ikasabot, mga tigbutangbutang, walay pagpugong-sa-kaugalingon, mabangis, walay gugma sa pagkamaayo, mga mabudhion, gahig ulo, nangburot sa garbo.”—2 Timoteo 3:1-4.

  • Pagkadaot sa kahimtang sa pamilya kay ang mga tawo wala nay “kinaiyanhong pagbati” ug ang mga anak “dili-masinugtanon sa mga ginikanan.”—2 Timoteo 3:2, 3.

  • Mobugnaw ang gugma sa kadaghanan ngadto sa Diyos.—Mateo 24:12.

  • Dayag na kaayo ang pagkasalingkapaw sa relihiyon.—2 Timoteo 3:5.

  • Mas masabtan na ang mga tagna sa Bibliya, lakip na ang mga tagna bahin sa kataposang mga adlaw.—Daniel 12:4.

  • Ang maayong balita bahin sa Gingharian isangyaw sa tibuok kalibotan.—Mateo 24:14.

  • Daghang tawo ang nagbalewala ug nagbugalbugal sa mga pamatuod nga hapit na ang kataposan.—Mateo 24:37-39; 2 Pedro 3:3, 4.

  • Ang sunodsunod nga pagkatuman niining tanang mga tagna.—Mateo 24:33.

Nagkinabuhi na ba kita sa “kataposang mga adlaw”?

Oo. Ang kahimtang sa kalibotan karon ug ang pagkahan-ay sa sunodsunod nga mga panghitabo nga giingon sa Bibliya nagpakita nga ang kataposang mga adlaw nagsugod niadtong 1914. Niadtong panahona, ang Gingharian sa Diyos nagsugod pagmando didto sa langit, ug ang unang gibuhat niini mao ang pagtambog kang Satanas nga Yawa ug sa iyang mga demonyo gikan sa langit ngadto sa yuta. (Pinadayag 12:7-12) Ang impluwensiya ni Satanas ngadto sa mga tawo makita sa ilang daotang mga kinaiya ug mga buhat nga nakapahimo sa kataposang mga adlaw nga makuyaw ug lisod sagubangon.—2 Timoteo 3:1.

Pagkat-og Dugang

Nagkinabuhi na ba Kita sa “Kataposang mga Adlaw”?

Tagda kon nganong ang binuhatan ug tinamdan sa mga tawo nagpamatuod nga kita nagkinabuhi na karon sa “kataposang mga adlaw” nga gitagna sa Bibliya.

Ang Kataposan sa Kalibotan—Kahadlok, Kahinam, ug Kahigawad?

Matingala ka tingali sa giingon sa Bibliya bahin sa kataposan sa kalibotan.

Unsa ang Gubat sa Armagedon?

Ang pulong “Har-Magedon” kas-a lang makita sa Bibliya, pero ang tibuok Kasulatan naghisgot bahin niini nga gubat.