Niadtong Septiyembre 26, 2024, ang Category 4 nga Bagyong Helene mi-landfall sa Gulf Coast sa Florida, U.S.A. Kining kusog kaayo nga bagyo nagdalag kusog kaayo nga ulan ug huros sa hangin nga miabot ug 225 kilometros kada oras. Pagka-Septiyembre 27, ang bagyo mipaingon sa Georgia, nga nagdalag kusog kaayo nga hangin nga kapig 95 kilometros kada oras. Pagkasunod adlaw, ang bagyo mipaingon sa amihanan ngadto sa South Carolina, ug kini nagpahinabog labing menos tulo ka buhawi. Pag-abot sa bagyo sa North Carolina, daghang siyudad ang nakasinatig kapin sa 90 sentimetros (35 pulgadas) nga ulan.

Ang kusog nga hangin ug ulan nga gipahinabo sa bagyo miresultag grabeng pagbaha ug nadaot nga mga balay, negosyo, ug kadalanan. Kapig usa ka milyong tawo ang wala gihapoy koryente. Labing menos 180 ka tawo ang namatay.

• Makapaguol, 3 ka igsoon ang namatay

• 7 ka magmamantala ang naay minor injury

• 1,606 ka magmamantala ang mibakwet

• 29 ka balay ang naguba

• 236 ka balay ang naay major damage

• 779 ka balay ang naay minor damage

• 1 ka Kingdom Hall ang naay major damage

• 19 ka Kingdom Hall ang naay minor damage

• Ang mga tigdumala sa sirkito ug lokal nga mga ansiyano naghatag ug espirituwal ug praktikal nga tabang niadtong naapektohan sa bagyo

• 2 ka Disaster Relief Committee ang gitudlo aron magdumala sa pagtaganag tabang

Naguol ta kay naay namatay tungod niining kusog kaayo nga bagyo. Pero makahatag natog kahupayan ug kalinaw ang saad ni Jehova nga sa umaabot ang tanang tawo “magpuyo nga may kasegurohan ug dili mahadlok nga may moabot nga katalagman.”—Proverbio 1:33.