Laktaw ngadto sa video

TÜRKIYE

Impormasyon Bahin sa Türkiye

Impormasyon Bahin sa Türkiye

Duna nay mga Saksi ni Jehova sa Türkiye sukad pa niadtong 1931. Nakasinati silag paglutos tungod sa relihiyon hangtod sa ulahing bahin sa katuigang 1980. Sa misunod nga mga tuig, dili na kaayo estrikto ang gobyerno ug gitugotan niini ang mga Saksi nga mosimba pero wala niini dawata ang ilang mga aplikasyon aron legal nga marehistro. Nausab ang situwasyon niadtong Hulyo 2007, dihang ang mga Saksi ni Jehova gipaboran sa mga korte sa Türkiye ug legal na nga narehistro. Karon ang mga Saksi duna nay kagawasan sa pagtigom aron mosimba ug sa paghimo sa ilang relihiyosong kalihokan.

Bisan pa niana, wala ilha sa gobyerno sa Türkiye ang katungod sa usa nga midumili sa pagsundalo tungod sa konsensiya. Sulod sa daghang tuig, ang mga Saksi ni Jehova nga midumili sa pagsundalo tungod sa konsensiya balikbalik nga gipatawag, gikasohan, gipamultag dako, ug gipriso. Sukad niadtong 2011, ang European Court of Human Rights (ECHR) nagpakanaog ug tulo ka desisyon nga pabor sa mga Saksi, ug niadtong 2012, gipaboran sa UN Human Rights Committee ang mga Saksi bahin niini nga isyu. Pero, padayon gihapong gikasohan sa Türkiye ang batan-ong lalaki nga mga Saksi nga midumili sa pagsundalo.

Niadtong 2003, giusab sa Türkiye ang zoning law niini nga nagtugot sa dili Muslim nga mga minoriya sa pagtukod ug pagpanag-iyag mga dapit sa pagsimba. Pero ang munisipyo ug lokal nga mga korte kanunayng dili moila nga “dapit sa pagsimba” ang mga Kingdom Hall sa mga Saksi ni Jehova. Duha ka kaso bahin niini nga isyu ang pending sa ECHR.