Laktaw ngadto sa video

Nahugno nga bilding sa siyudad sa Antakya, Turkey

PEBRERO 10, 2023 | UPDATED: PEBRERO 17, 2023
TÜRKIYE

UPDATE—Linibo ang Naapektohan sa Kusog Kaayong Linog sa Turkey

UPDATE—Linibo ang Naapektohan sa Kusog Kaayong Linog sa Turkey

Ang magnitude 7.8 nga linog mitay-og sa southeastern Turkey niadtong Lunes, Pebrero 6, 2023. Gisundan pa gyod nig magnitude 7.5 nga linog. Dayon, sunodsunod nga nahitabo ang mga aftershock. Kapig 38,000 ka tawo ang namatay, ug kapig 108,000 ka tawo ang na-injured.

Epekto Diha sa Atong mga Igsoon sa Turkey

  • Makapaguol, 1 ka tigulang nga sister sa siyudad sa Adana ang namatay. Dugang pa, usa ka brader, iyang asawa, ug ilang duha ka menor de edad nga anak ang namatay sa siyudad sa Adiyaman

  • 3 ka balay ang di na kapuy-an

  • 17 ka balay ang dunay major damage

  • 22 ka balay ang dunay minor damage

  • 1 ka Kingdom Hall ang dunay major damage

  • 2 ka Kingdom Hall ang dunay minor damage

Pagtabang sa mga Naapektohan

  • Ang gitudlong mga brader naghatag ug gikinahanglan pag-ayo nga espirituwal nga tabang niadtong naapektohan sa kalamidad

  • 2 ka Disaster Relief Committee ang gitudlo sa pagdumala sa pagtabang sa mga naapektohan

Usa ka membro sa Branch Committee naghatag ug makapadasig nga mga punto gikan sa Bibliya ngadto sa mga igsoon, apil kadtong nagub-an o nawad-an ug balay

Bisan pa sa makahadlok nga linog ug kusog nga mga aftershock, ang atong mga igsoon nahupayan sa pagkahibalo nga si Jehova “mao ang atong kusog ug dangpanan, usa ka tabang nga daling makaplagan panahon sa kasakitan.”—Salmo 46:1.