Niadtong Marso 28, 2025, gitay-og ang central Myanmar ug magnitude 7.7 nga linog. Tungod sa maong linog ug sa kusog nga mga aftershock, nadaot pag-ayo ang mga tulay, bilding, ug mga kalsada sa siyudad mismo sa Mandalay ug sa palibot niini. Sumala pa sa mga report, kapig 3,400 ka tawo ang naangol, kapig 1,700 ang namatay, ug mga 300 ang wala pa makit-i.

Gitay-og pod sa maong kusog kaayong linog ang Bangkok, Thailand, nga kapig 1,300 kilometros (808 ka milya) ang gilay-on. Tungod niini, nahugno ang usa ka habog kaayo nga bilding. Dihay 18 ka tawo nga namatay, 33 ang naangol, ug kapig 75 ang wala pa makit-i.

Ang mosunod maoy inisyal nga report gikan sa lokal nga mga igsoon.

Epekto Diha sa mga Igsoon

Myanmar

• Walay igsoon nga namatay

• 2 ka magmamantala ang wala pa makit-i

• 9 ka magmamantala ang naangol

• 142 ka magmamantala ang namakwet

• 4 ka balay ang naguba

• 32 ka balay ang naay major damage

• 43 ka balay ang naay minor damage

• 2 ka Kingdom Hall ang naay major damage

• 3 ka Kingdom Hall ang naay minor damage

Thailand

• Walay igsoon nga namatay

• 2 ka magmamantala ang naangol

• 52 ka magmamantala ang namakwet

• 4 ka balay ang naay major damage

• 69 ka balay ang naay minor damage

• 8 ka Kingdom Hall ang naay minor damage

Mga Tabang nga Gihimo

• Gawas sa espirituwal nga tabang ug paghupay, ang mga tigdumala sa sirkito ug ang lokal nga mga ansiyano naghatag sab ug praktikal nga tabang sa mga naapektohan

• 1 ka Disaster Relief Committee ang giasayn sa Myanmar sa pag-organisar sa paghatag ug hinabang

Naguol ta sa kamatayon ug kadaot nga resulta niini nga linog. Pero lig-on ang atong pagtuo sa mga saad sa Diyos ug naghinamhinam ta nga sa umaabot wala nay “tingog sa paghilak o hilak sa kasakit.”—Isaias 65:19.