Ang kataposang “Ipahayag ang Maayong Balita!” Espesyal nga Kombensiyon gipahigayon sa El Trébol Assembly Hall sa Santiago, Chile, gikan Oktubre 18 hangtod 20, 2024. Tanantanan, 9,140 ang nanambong, ug 59 ang nabawtismohan. Kini ang ikaduhang espesyal nga kombensiyon nga gipahigayon sa Santiago karong tuiga ug ang kataposan sa 15 ka espesyal nga kombensiyon nga gipahigayon sa tibuok kalibotan gikan Hunyo hangtod Oktubre 2024.

Sa kada siyudad diin ipahigayon ang espesyal nga kombensiyon, ang mga igsoon daghang bulan nga mangandam una pa ang kombensiyon aron abiabihon ang mga delegado gikan sa ubang nasod. Sa Chile, linibo ka boluntaryo ang nagkugi pag-ayo aron maabiabi ang 2,397 ka delegado gikan sa 16 ka nasod. Kon bahin sa daghang boluntaryo nga mi-adjust sa ilang trabaho ug personal nga kalihokan aron motabang, usa ka sister ang miingon: “Wala ra ko mibati nga naa koy gisakripisyo. Tinuod gikapoy ko, pero wala ra ni sa kumingking kon itandi sa dili malimtan nga mga eksperyensiya ug bag-ong mga higala.”

Ang usa ka brader nga taga-United States mikomento bahin sa iyang eksperyensiya panahon sa espesyal nga kombensiyon sa Santiago: “Pag-abot pa lang namo sa airport, ang mga igsoon nagpakita nag talagsaon kaayong gugma. Walay pulong nga maka-explain sa akong gibati.” Usa ka sister nga taga-Peru ang miingon: “Kini ang akong unang espesyal nga kombensiyon, ug labaw pa kaayo ni kay sa akong gidahom. Kini gigamit ni Jehova aron lig-onon ug dasigon ko.”

Duyog sa atong mga igsoon sa tibuok kalibotan, mapasalamaton ta kang Jehova sa pagpanalangin sa 2024 “Ipahayag ang Maayong Balita!” Espesyal nga mga Kombensiyon ug sa pagtagana niini aron madayeg ug mapasidunggan sa iyang katawhan ang iyang balaang ngalan!—Salmo 34:3.

Naa sa ubos ang photo gallery nga nagpakita sa gugma, kalipay, ug panaghiusa nga naeksperyensiyahan sa atong mga igsoon sa tanang 15 ka “Ipahayag ang Maayong Balita!” Espesyal nga mga Kombensiyon sa 2024.