Bag-o lang nahuman sa sangang buhatan sa South Africa ang mga proyekto nga major renovation sa lima ka andana nga office building ug sa main services building diha sa ilang pasilidad sa Krugersdorp. Ang maong mga building gigamit sukad niadtong 1987.

Sugod niadtong Septiyembre 2022, ang gamayng team sa Construction Department sa Sangang Buhatan sa South Africa nakigtinabangay sa usa ka kontraktor para sa renovation. Panahon sa proyekto, kadtong mga naggamit sa office building gibalhin sa ubang lugar sa sangang buhatan o nagtrabaho diha sa ilang mga kuwarto.

Apil sa renovation ang pagbag-o sa disenyo sa lobby ug reception area ug ang pag-install ug bag-ong mga utility system sa tibuok building diin makadaginot ug enerhiya. Dugang pa, ang bag-ong disenyo naay mga shared workspace aron mas mapahimuslan ang lugar. Tungod niini mas sayon para sa mga nagtrabaho ang pagtinabangay, makasulod ang natural nga kahayag, ug makita nila ang view sa gawas. Naa poy gikuwartokuwarto nga mga opisina nga gigamitan ug madismantol nga mga bungbong, aron kon gikinahanglan ang mga kausaban sa umaabot, mas makadaginot ug mas sayon ning himoon.

Naay 320 ka igsoon, apil kadtong mibiyahe gikan sa laing nasod, ang mitabang sa pag-renovate sa main services building. Apil sa gi-renovate ang duha ka dining room ug nagdugang pod ug bag-ong pondohanag pagkaon ug butanganag suplay. Dugang pa, gi-upgrade nila ang electrical ug mechanical system sa building.

Miduyog ta sa kalipay sa atong mga igsoon sa South Africa ug mapasalamaton ta kang Jehova sa pagtabang sa daghang masakripisyohong boluntaryo aron molampos kini nga mga proyekto.—Proverbio 16:3.