DISYEMBRE 30, 2024
RUSSIA

“Nahibalo si Jehova sa Akong Kahimtang”

I-PLAY

Niadtong Disyembre 26, 2024, si Brader Pavel Chemrov gihukmang sad-an sa Nazarovo City Court sa Krasnoyarsk Territory ug gisentensiyahan ug tulo ka tuig nga suspended prison sentence. Dili pa siya mapriso niining higayona.

Profile

Pavel Chemrov

Natawo: 1964 (Progress, Krasnoyarsk Territory)

Nabawtismohan: 2015

Mubong Impormasyon: Nagtrabaho ingong drayber. Siya lang ang Saksi ni Jehova sa iyang pamilya

Kaso: Pagpakighisgot sa Bibliya ug sa gituohan sa mga Saksi ni Jehova ngadto sa uban

Sentensiya: Tulo ka tuig nga suspended prison sentence

Ang Iyang Giingon

Unsay imong nakat-onan bahin kang Jehova samtang nag-atubang ka niining lisod nga kahimtang?

Kini nga mga pagsulay nagtudlo nako nga nahibalo si Jehova sa akong kahimtang ug nga iya gyod kong gimahal. Mas kadaghan kong mag-ampo karon. Isulti nako kang Jehova ang tanan nga nakapabug-at nako ug mangayo kog kusog aron makalahutay ko. Kanunayng tubagon ni Jehova ang akong mga pag-ampo sa eksakto gyong panahon. Mapasalamaton ko nga gipakita ni Jehova nga iya gyod kong gimahal ug giatiman.

Sama kang Pavel, nahupay ta sa pagkahibalo nga ‘nakita ta’ ni Jehova ug nga panalanginan niya ang atong mga paningkamot nga magpabiling nahiusa kaniya.—Jeremias 12:3.

Basin Ganahan Pod Ka

TIBUOK KALIBOTANG BALITA

Mga Saksi ni Jehova nga Gipriso Tungod sa Ilang Relihiyon—Matag Lugar

Mga lugar diin gipriso ang mga Saksi ni Jehova, usahay diha sa lisod kaayong mga kahimtang, tungod sa ilang relihiyon ug paglihok subay sa pangunang tawhanong katungod.