Laktaw ngadto sa video

DISYEMBRE 22, 2021
PHILIPPINES

Bagyong Odette Mihapak sa Pilipinas

Bagyong Odette Mihapak sa Pilipinas

Ang Bagyong Odette (nga nailhan sab nga Rai) mihapak sa lainlaing lugar sa Pilipinas gikan sa Disyembre 16-18, 2021. Kini may kinakusgang huros sa hangin nga 195 kilometers per hour dihang una ning mihapak sa Siargao Island. May mga lugar sa Northern Mindanao, Southern Luzon, ug Visayas nga grabeng naapektohan.

Epekto Diha sa Atong mga Igsoon

  • Ikasubo, 4 ka publisher ang namatay

  • 1 ka publisher ang gipangita pa

  • 12 ka igsoon ang na-injured

  • Kapig 2,000 ka publisher ang kinahanglang mobakwet

  • 246 ka balay ang di na kapuy-an

  • 327 ka balay ang dunay major damage

  • 1,174 ka balay ang dunay minor damage

  • 43 ka Kingdom Hall ang dunay minor damage

Pagtabang sa mga Naapektohan

  • 6 ka Disaster Relief Committee ang gitudlo sa pagdumala sa relief work

  • Ang lokal nga mga ansiyano nag-shepherding sa mga igsoon nga naapektohan, apil na niadtong namatyag mga minahal

  • Ang tanang naghimog relief work nagsunod sa COVID-19 safety protocol

Ubos sa pagdumala sa mga ansiyano, ang mga igsoon sa mga lugar nga wala maapektohi sa bagyo nag-donate ug pagkaon ug sinina para sa mga publisher nga naapektohan sa bagyo. Ang mga food pack gikan sa Davao City giapod-apod dayon ngadto sa mga pamilya nga nanginahanglan sa Surigao City.

Naguol ta nga pipila sa atong minahal nga mga igsoon ang namatay niini nga kalamidad. Samtang gilahutay nato ang “kuyaw nga mga panahong lisod sagubangon,” padayon tang nagsalig nga si Jehova maghupay ug mapalig-on kanato.—2 Timoteo 3:1.