Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

AGOSTO 21, 2015
UNITED STATES

“Sundoga si Jesus!” nga Kombensiyon sa mga Saksi ni Jehova Gisugdan sa 11 ka Siyudad sa Amerika

“Sundoga si Jesus!” nga Kombensiyon sa mga Saksi ni Jehova Gisugdan sa 11 ka Siyudad sa Amerika

NEW YORK—Niadtong Mayo 22, 2015, gisugdan sa mga Saksi ni Jehova sa United States ang una sa serye sa “Sundoga si Jesus!” nga Kombensiyon. Gikan sa Biyernes hangtod sa Dominggo, gipahigayon kining libreng panagkatigom sa 11 ka lokasyon, lakip sa Stanley Theater sa Jersey City, New Jersey (hulagway sa ibabaw). Gidahom sa mga Saksi nga ang katibuk-ang manambong kada adlaw sa 11 ka lokasyon maoy kapin sa 41,000.

Matod ni J. R. Brown, representante sa mga Saksi ni Jehova sa ilang world headquarters sa Brooklyn, New York: “Abiabihon gyod namo ang tanang modawat sa among imbitasyon nga motambong sa kombensiyon sa ilang dapit, ug seguradong dili sila magmahay nga migahin silag panahon sa pagtambong. Ang tulo ka adlaw nga ‘Sundoga si Jesus!’ nga Kombensiyon dunay nindot nga mga presentasyon bahin sa puwersadong mga pagtulon-an ni Jesus, nga giandam aron tabangan ang tanang tawo, bisag unsa pay ilang pangedaron ug kahimtang.”

Gikan sa Mayo 2015 hangtod sa Enero 2016, ang mga Saksi ni Jehova dunay mga 5,000 ka “Sundoga si Jesus!” nga mga Kombensiyon sa 92 ka kayutaan. Ang programa, nga giandam sa Nagamandong Lawas sa mga Saksi ni Jehova, ipresentar sa katibuk-an o sa bahin niini diha sa 347 ka pinulongan, lakip sa 55 ka sign language.

Media Contact(s):

International: J. R. Brown, Office of Public Information, tel. +1 718 560 5000