Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

ENERO 21, 2014
RUSSIA

Mga Opisyales sa Russia Nangusog nga Idili sa Korte ang JW.ORG

Mga Opisyales sa Russia Nangusog nga Idili sa Korte ang JW.ORG

ST. PETERSBURG, Russia—Sa Agosto 7, 2013, ang Tsentralniy District Court sa siyudad sa Tver, mga 160 kilometros amihanan sa Moscow, midesisyon nga idili sa tibuok Russian Federation ang jw.org, usa ka website nga nagtudlo bahin sa Bibliya.

Bisan tuod ang jw.org tinamod pag-ayo sa mga researcher ug daghan ang naggamit niini sa tibuok kalibotan, ang korte mipabor sa mga opisyales nga idili kining iladong website. Midesisyon ang korte nga wala pahibal-a ang Watchtower Bible and Tract Society of New York, nga maoy tag-iya sa website, ug wala sab sila hatagig higayon nga makadepensa. Ang mga Saksi ni Jehova miapelar sa Tver Regional Court ug ang husay himoon sa Enero 22, 2014.

Kon dili usbon sa korte ang desisyon, kini nga website dili na puwedeng gamiton sa kapig 160,000 ka Saksi ni Jehova sa Russia, kinsa regular nga naggamit niini sa ilang pagsimba ug sa personal ug pamilyahanong pagtuon sa Bibliya. Ang pag-endorso sa website mahimo na unyang krimen sa Russia. Dugang pa, ang mga 142 ka milyong molupyo sa Russia did-an na sa paggamit sa jw.org para sa libreng impormasyon bahin sa Bibliya. Si Yekaterina Elbakyan nga Doctor of Philosophy, eksperto sa relihiyon, ug propesor sa Academy of Labor and Social Relations sa Moscow, miingon nga ang jw.org “usa ka regalo para sa tanan nga gustong mag-research bahin sa relihiyon. Daghan kaayo kinig impormasyon nga sayon sabton. Ang importanteng mga topiko bahin sa Diyos ug maayong pamatasan gipresentar sa simpleng paagi. Kon mogamit ka niini nga website, mora kag giabiabi sa mga Saksi ni Jehova sa ilang balay.”

Si Grigory Martynov, tigpamaba sa mga Saksi ni Jehova sa St. Petersburg, Russia, miingon: “Ang jw.org dakong tabang sa tanang molupyo sa nasod nga nangitag impormasyon bahin sa Bibliya. Kini walay gidapigan sa politika ug dili negosyo. Maayo untag tugotan sa Tver Regional Court nga padayong magamit sa tanang molupyo sa Russia kining ilado ug matulon-anong website.”

Si J. R. Brown, tigpamaba sa mga Saksi ni Jehova sa ilang world headquarters sa New York, miingon: “Ang jw.org gigamit sa mga pamilya sa tibuok kalibotan sa pagpangitag kasaligang impormasyon. Gani 900,000 ka tawo ang nag-abli niini nga website kada adlaw aron makakuhag mapuslanong impormasyon diha sa 600 ka pinulongan. Wala gyoy katarongan nga idili kini.”

Media Contact(s):

International: J. R. Brown, Office of Public Information, tel. +1 718 560 5000

Russia: Grigory Martynov, tel. +7 812 702 2691