Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

ENERO 21, 2015
PILIPINAS

Usa ka Tuig Human sa Bagyong Haiyan, mga Biktima Duna nay Bag-ong Balay

Usa ka Tuig Human sa Bagyong Haiyan, mga Biktima Duna nay Bag-ong Balay

MANILA, Pilipinas—Human sa Super Typhoon Haiyan (Yolanda), ang mga Saksi ni Jehova naglunsad ug dakong proyekto sa pag-ayo o pagtukod pag-usab sa halos 750 ka balay sulod sa siyam ka bulan.

Sa aberids, usa ka team sa lima ka boluntaryo makatukod ug balay sulod sa lima ka adlaw.

Si Dean Jacek, tigpamaba sa mga Saksi ni Jehova sa Pilipinas, miingon: “Target namo nga mahuman ang trabaho pagka-Septiyembre 2014. Nagsugod ang konstruksiyon sa sayong bahin sa Enero 2014, ug sa tabang sa daghan kaayong boluntaryo, nahuman ang pagpanukod sa wala pa matapos ang Agosto.”

Lokal ug internasyonal nga mga boluntaryo nagtabang sa pagpanukod.

Ang Nagamandong Lawas sa mga Saksi ni Jehova nagkuhag badyet gikan sa donasyon sa mga Saksi sa tibuok kalibotan nga gastohon para sa maong relief project. Ang ilang sangang buhatan sa Manila nag-organisar ug mga relief committee nga maoy nagdumala sa pagpanukod diha sa apektadong mga dapit. Sila nakaayo o nakatukod ug 167 ka balay sa Tacloban City, 256 ka balay sa Ormoc City, 101 ka balay sa Cebu City, ug 218 ka balay sa Roxas City. Dihay miboluntaryo nga 522 ka Saksi nga taga-Pilipinas ug 90 ka Saksi gikan sa ubang nasod.

Kongresman Ferdinand Martin G. Romualdez, Unang Distrito sa Leyte.

Si Mr. Ferdinand Martin G. Romualdez, kongresista sa Unang Distrito sa Leyte, mikomento: “Ang mga Saksi ni Jehova maoy usa sa unang mga grupo nga nanukod ug balay. . . . Dili mahubit sa mga pulong ang apresasyon ug pagpasalamat sa akong pamilya ug sa mga Leyteños.”

Media Contact(s):

International: J. R. Brown, Office of Public Information, tel. +1 718 560 5000

Philippines: Dean Jacek, tel. +63 2 411 6090