Setting sa pag-access

Pagpilig pinulongan

Laktaw ngadto sa secondary menu

Laktaw ngadto sa video

Mga Saksi ni Jehova

Cebuano

MAYO 4, 2016
TIBUOK KALIBOTANG BALITA

Mga Saksi Nagpasiugda sa Pagkamaunongon Diha sa Ilang mga Kombensiyon sa 2016

Mga Saksi Nagpasiugda sa Pagkamaunongon Diha sa Ilang mga Kombensiyon sa 2016

NEW YORK—Ang mga Saksi ni Jehova nagdapit sa publiko sa pagtambong sa ilang 2016 “Magmaunongon Kang Jehova!” nga Rehiyonal nga mga Kombensiyon. Sugod sa Biyernes, Mayo 20, ang mga Saksi magpahigayon ug libreng mga kombensiyon sa United States ug sa tibuok kalibotan.

Ang tulo ka adlaw nga programa dunay 49 ka presentasyon, nga ang matag usa maghisgot sa tema nga “pagkamaunongon.” Dugang pa, ang mga Saksi nag-andam ug 35 ka mugbong video para sa programa ug duha ka mubong pelikula nga ipasalida sa Sabado ug Dominggo. Kada adlaw, ang mga sesyon sa buntag ug hapon sugdan pinaagig mga music video nga girekord para sa kombensiyon.

Sama sa ilang gihimo sa miaging mga tuig, ang mga Saksi managtag ug espesyal nga imbitasyon ngadto sa publiko nga nagdapit kanila sa pagtambong sa programa. Ang mga petsa ug lokasyon sa matag kombensiyon makita sa opisyal nga website sa mga Saksi, sa jw.org. Mahimong kontakon sa mga journalist ang kinadul-ang branch office sa mga Saksi ni Jehova para sa dugang impormasyon, lakip ang ngalan sa local media contact para sa mga reporter nga nagplanong mohimog report sa kombensiyon.

Si David A. Semonian, tigpamaba sa mga Saksi ni Jehova didto sa ilang world headquarters sa Brooklyn, New York, miingon: “Nagtuo gyod mi nga ang pagkamaunongon maoy hinungdanong bahin sa bisan unsang mga relasyon. Ang among kombensiyon niining tuiga magpasiugda sa mga impormasyon nga makatabang sa mga tawo sa pag-ugmad ug mas lig-ong panaghigalaay, mas lig-ong relasyon sa mga pamilya, ug labaw sa tanan, mas lig-ong relasyon uban sa Diyos. Masaligon kami nga makabenepisyo gayod ang tanang motambong niini nga programa.”

Media Contact:

David A. Semonian, Office of Public Information, tel. +1 718 560 5000