Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Muwoneleli—Wa txigondo  |  Junho wa 2017

Ina u ti ti ziva?

Ina u ti ti ziva?

Ngu ku txani Jesu a di va dhani ku “makhamba” ava va nga ti xavisa sihari dithepeleni ka Jerusalema?

EVHANGELI ya Matewu yi womba ti to “Jesu a to wulela Dithepeleni e tovela votshe va va nga txi xavisa ni votshe va va nga ti xava, a txi hangalasa timeza ta vatxitxi va timale ni madhando a vale va nga ti xavisa situvane. A txi khene kwawe: “Ti bhatwe ku khona: ‘Nyumba yangu yi na dhanwa ku i nyumba ya kukhongelela ka yona.’ Kambe anu mi yi maha wubaramelo wa makhamba!””—Matewu 21:12, 13.

Matimu ma kombisa ti to ava va nga ti xavisa dithepeleni va ti kanganyisa vathu ngu ku va hakelisa mali ya yingi ngutu. Ngu txikombiso m’bhali mmwane wa Txijudha a wombile ti to ka dilembe dizana do khata ti to u mana situvane simbidi so ningela ngu sona digandelo u ti hakhela didhenari dimwedo basi. Kambe ti to e mana mali yoneyo, m’thu a ti fanete e thuma kudingana 25 wa masiku. Mlayo wu txi womba ti to sisiwana si ti fanete si ningela situvane kota digandelo, nguko sona si si dhuli. Kambe sihari soneso si txi dhuliswa ngutu ha ko za sisiwana si si ti koti kuxava. (Levhi 1:14; 5:7; 12:6-8) Ngu ku nyenyezwa ngu ti ti nga ti mahwa, Rabbi Simeon ben Gamaliel a hungute mtengo wa situvane si si nga ti fanetwe kuningelwa. Se wu va mtengo wo dingana m’holo wa mawora mararu basi.

Phela ta woneka ti to vavamna vonevo va ti ni mabava ni ku va ti kanganyisa vathu. Ngu toneto kha phazama loko Jesu a di va dhani ku “makhamba”.