Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

2017 Txiemiso txa Mtshangano wa Txigava

Madungula a ava va nga sawulwa

Madungula a ava va nga sawulwa

MITSHANGANO YO SAWULEKA

MTHUMO WA BHETELE Vahuweleli va va nga bhabhatiswa, va ku ni tanga yawe yi si pindiko 35 wa malembe na va txi tsakela kuthuma Bhetele va rambwa kumaneka ka mtshangano wa va va tsakelako ku ya Bhetele ngu Mlongiso ni mitshikari.Wukhalo ni mbimo ya kona ngu ku kongoma si na ziviswa.

TXIKOLWA TXA VATXHUMAYELI VA MFUMO Vanyaphandule va va ku hagari ka malembe a 23 ni 65 na va txi tsakela ku engetela mthumo wawe va rambwa ku ya maneka ka mtshangano wa va va tsakelako ku ya txikolwani txa Vatxhumayeli va Mfumo ngu Sonto ni mitshikari. Wukhalo ni mbimo ya kona si na ziviswa.

SILELETELO KA VATSHANGANI

VAXUNGAMETI Vona va vekilwe ku ku vhuna. Hi kombela u thumisana kwati navo ngu ku londeta wukongomisi wawe ku emisani ka mimovha, ku tsimbitiswa ka vathu vavangi, ku vekisa makhalo ni timwane timhaka.

BHABHATISO Mabhanku aya ma nga vekelwa ava va yako ku bhabhatiswani ma na maneka masoni ka txiluvelo. Va va yako ku bhabhatiswani va nava va di khalahatshile ka wukhalo wu va nga vekelwa wona na m’wombawombo wa m’bhabhatiso wu si nze ku khata ngu Mlongiso ni mixo. Mmwane ni mmwane a fanete eta ni dithawula ni siambalo so xonipheka so wulela ngu sona matini.

MININGELO Ku thumile male yayingi, ku lungiselela wukhalo wuwa, mitxhini yo guleta mapswi ni mithumo yimwane yayingi yi yi nga maha to ti tsakisa ku maneka ka mitshangano ni ku hi vhuna ku hi tshuketela ka Jehovha.Miningelo ya wena ngu ku titsakela yi vhuna ku hakela sotshe eso ni ku, yi vhunetela mthumo wa mafuni kotshe. Ti to u hehukelwa, ku ni mibhalo yo woneka kwati, ka otshe madhawa a wukhalo wuwa. Miningelo yotshe ya bongeka ngutu. Mmidi wu wu Fumako wu tekete ku mi bonga ngu wuha wanu wu wu vhunetelako ka silaveko sa Mfumo.

KU LAMULELA TIPHANGO Hi kombela u alakanya to hofisi yiya yi thumisana ni timhaka to LAMULELA TIPHANGO DWE.

SO MWALALA NI SO ROLWA Sotshe simaha si si nga rolwako si nga yiswa ka Hofisi ya so Mwalala ni so Rolwa. Idi ti to u mwalatile so kari yana ka hofisi yiya u ya xola si si ku lumbako. Vanana va va nga mwalalela vaveleki vawe va nga yiswa ni vona ka hofiso yiya. Hambi keto, kha yi faneli ku wonwa nga wuxayiselo wa vanana. Hi kombela mi xayisa vanana vanu ni ku mi zumba navo.

MABHANKU Hi kombela u alakanyela vamwane. Alakanya ti to, wukhalo wu vekelwa basi ava u endako navo ka mmovha wumwewo, ava u zumbako navo m’tini mwendo ava u gondako navo Bhiblia. Hi kombela ti to u si veki simaha ka wukhalo wu u no mbi zumba ka wona.

MTHUMO WO MAHA NGU KU TITSAKELA Idiku u tsakela ku vhuneta ka mithumo ya mtshangano, hi kombela u ti zivanekisa ka hofisi ya mthumo wo maha nguku titsakela.

Wu lulamisetwe ngu Mmidi wu wu Fumako wa Tifakazi ta Jehovha