Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Ngu yahi mahungu a manene aya matako ngu ka Txizimu?

 GONDO 1

Nji txani mahungu a manene?

Nji txani mahungu a manene?

1. Ngu yahi mahungu ya matako ngu ka Txizimu?

Txizimu txi navela ku hi tidila ngu wutomi ha mafuni. Txi vangile mafu ni sotshe si si ku ka ona nguku txi hi randako. I singa kale, txina na ninga vathu votshe ha mafuni wumangwana wa wunene. Txina thavisa ditshina di di vangako ku xaniseka.​—Gonda Jeremiya 29:11.

Ku walo wukoma wu wu nga sikota ku heta mazunga, malwati mwendo kufa. Kambe ku ni mahungu a manene. I si nga kale, Txizimu txi na vhaleta mifumo yotshe ya vathu ngu mfumo wa txona. Vathu va va fumwako ngu txona vana tidila ngu ku rula ni dihanyo da dinene.​—Gonda Isaya 25:8; 33:24; Dhaniele 2:44.

2. Ngu ku txani mahungu a manene i di a txikuluveta?

Ku xaniseka ku na guma basi mbimo yi Txizimu txi no heta vathu vo biha ha mafuni. (Zefaniya 2:3) Ti na maheka ditsiku toneto? Dipswi da Txizimu di profetile ngu siemo si si nemelelako vathu nyamsi. Simahakalo sa ngweno si komba ti to mbimo yo Txizimu txi teka dizambu yi hafuhi.​—Gonda 2 Timoti 3:1-5.

3. Hi nga maha txani?

Hi fanete hi gonda ngu ta Txizimu ka Dipswi da txona, diBhibhele. Dona di fana ni dipapilo di hi nga bhalelwa ngu tate wa lirando. Di hi gela ti hi nga timahako ku na mana wutomi wo tsakisa nyamsi ni wutomi wo mbi guma ha mafuni ka mbimo yi yi tako. Ditshuri ti to vamwane kutilava kha vana ku tsaka ku ku wona u txi vhunwa ku pfisisa diBhibhele. Kambe kha ha fanela ku va tumelela ve hi heta mtamo wo gonda ngu wumangwana wathu wa wunene.​—Gonda Mavingwa 29:25; Mtuletelo 14:6, 7.