Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 17

Vawoneleli va sigava va hi vhunisa ku txani?

Vawoneleli va sigava va hi vhunisa ku txani?

Malawi

Mtxawa wo ya thembweni

Wuthumeli wa thembwe

Mtshangano ni madhota

Mibhalo ya Wukristu ya txiGriki yi wombawomba ngutu ngu Bharnabhasi ni mpostoli Pawulo. Vavamna vonevo va thumile kota vawoneleli va va tsimbilatsimbilako, ve endela mabanza a dilembe dizana do khata. Ngu txikongomelo txihi? Vona va ti karateka ngu txilaveko txa moya txa vanawe. Pawulo a wombile ti to ene a lavile ‘kutshumela ni ku ya xola vanathu’ ku na wona ti to va ti njani. Ene a tsakete kudhawula makenekene a mazana ti to e ya va tsanisa. (Mithumo 15:36) Ngu yoneyo mixuvo ya vawoneleli va va tsimbilatsimbilako nyamsi.

Va tela ku ta hi tsanisa. Muwoneleli mmwane ni mmwane wa txigava a endela kona mu ka 20 wa mabanza, e heta divhiki ka dibanza dimwane ni dimwane kumbidi ngu dilembe. Hi nga vhuneka ngu wusikoti wawe ni wa vasikati vawe i di ti to va tekile. Vona va tsakela kuziva vahombe ni vavadotho, va tsakela kutsula ni nathu ka mthumo wa thembwe ni ka va hi va gondelako diBhibhele. Vona va tshumela ve maha maendo a wudyisi kumweko ni madhota, ve tshumela ve veka miwombawombo hi di mitshanganoni ni ka tisengeletano kasi ku hi tsanisa.​—Mithumo 15:35.

Vona va kombisa kukhatala ngu votshe. Vawoneleli va sigava va khatala ngu txiemo txa moya txa dibanza. Vona va tshangana ni madhota ni malanda a wuthumeli ti to ve wona makulelo a dibanza ni ku va ninga silayelo sa nzila yo hetisisa wutixamuleli wawe. Va vhuna vanyaphandule ti to ve humelela ka wuthumeli wawe ni kuziva vamwane ava va ku ngadi ku khata kusengemela ni kupfa ngu ta kukula kwawe ngu didhawa da moya. Mmwane ni mmwane wawe ati ningela a pune ngu ku tidhunda kota “txithumi kulothu”. (2 Vakorinto 8:23) Hi fanete hi tekelela likholo ni ku tiningetela kwawe ka Txizimu.​—Vahebheru 13:7.

  • Ngu ku txani vawoneleli va sigava ve endela mabanza?

  • Liendo lawe li nga ku vhunisa ku txani?