Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 10

Nji txani wukhozeli wa mwaya?

Nji txani wukhozeli wa mwaya?

Koreya wa Wulambwe

Brazil

Australiya

Guiné

Ku khukhela kale, Jehovha a lava ti to mwaya wumwane ni wumwane wu heta mbimo yo tala wu di kumweko, wu txi tsanisa wumoya wa wona ni wuxaka wa wona. (Deteronoma 6:6, 7) Ngu toneto ti mahako ti to Tifakazi ta Jehovha ti sawula mbimo divhiki ni divhiki ti to mwaya wu khozela wu di wotshe​—wu bhula wu di ka kuhumula wu txi khatalela timhaka ta moya a ti ti tsimbitisanako ni silaveko sa wona. Hambi u di wekha, ti ngava tatinene ti to u heta mbimo yoneyo ti to u tshuketa ka Txizimu ngu ku ti mahela gondo ya diBhibhele ngu ha u sawulako kona.

I mbimo yo tshuketa hafuhi ni Jehovha. “Tshuketani hafuhi ka Txizimu kasi ni txona txina tshuketela hafuhi kwanu”. (Jakobe 4:8) Athu hi mana kuziva kwati Jehovha mbimo yi hi gondako to tala mayelana ni wuthu ni mithumo yakwe a mu ka maphepha ya diBhibhele. Nzila yo hehuka yo khata wukhozeli wa mwaya ngu heta mbimo mi txi lera diBhibhele ngu dipswi do guleka mi di motshe, mi txi tilava mi nga londisela txiemiso txa txikolwa txa wuthumeli wa txitimwi. Siro sa mwaya si nga abanelana sienge so kari ti to si lera se si gwita si bhula ngu ti ti nga gondwa mu ka Mibhalo.

Ti maha ti to siro sa mwaya si tshuketelana. Mwamna ni msikati, hambi va i ku vaveleki ni vanana va tsanisa wuxaka wawe ngu kugonda diBhibhele kota mwaya. Eto ti nga tsakisa, ti tisa kudikha ni ku va i di mbimo yo tsakisa ka divhiki. Ngu kuya ngu tanga ya vanana, vaveleki va nga sawula timhaka ti ti thumako ti to ku bhulwa ngu tona, va txi tilava va nga thumisa timhaka ta mu ka marevhista athu mwendo ti ti manekako ka site ya jw.org. Va nga bhula ngu timhaka ati vanana va mananako nato txikolwani ni nzila yo wonisana nato. Va nga tidila ngu ku embelela tindando ti ti no embelelwa mitshanganoni se ve gwita ve dya txo kari msana ka wukhozeli wa mwaya.

Mbimo yoneyo yo sawuleka ayi mi yi hetako divhiki ni divhiki mi txi khozela motshe Jehovha yi nga mi vhuna kumana ku tsaka ngu Dipswi da Txizimu, se txona txi na katekisa mizamo yanu.​—Masalmo 1:1-3.

  • Ngu ku txani hi txi tivekela mbimo ya wukhozeli wa mwaya?

  • Vaveleki va nga maha txani ti to wukhozeli wa mwaya wu tsakisa mwaya wotshe?