Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 1

Tifakazi ta Jehovha vathu vo zumbisa ku txani?

Tifakazi ta Jehovha vathu vo zumbisa ku txani?

Dhinamarka

Taiwan

Vhenezuela

India

Awe u ziva Tifakazi tingahi ta Jehovha? Kutilava muakelani wo kari, mthumi kuloni mwendo mgondi kuloni. Kutilava awe se u ta nga bhulisana ni mmweyo wathu mayelana ni diBhibhele. Kasi ngu ditshuri ngathu va mani ni ku ngu ku txani hi txi txhumayela vamwane ati hi ti tumelako?

Hi vathu vo fana ni nawe. Hi vathu va siemo ni mindawuko yo hambana hambana. Vamwane kwathu hi ta ngava va wukhongeli wumwane mwendo ku hi si tumeli ka Txizimu. Kambe, hi si nze ku ngava Tifakazi ta Jehovha, hotshethu hi ti hite mbimo yo xolisisa kwati tigondo ta diBhibhele. (Mithumo 17:11) Hi tumelelanile ni ti hi nga tigonda ati ti nga maha ti to hi maha txisungo txo khozela Jehovha Txizimu.

Ha wuyelwa ngu ku gonda diBhibhele. Ku fana ni vathu votshe, ha tshangana ni sikarato ni ku guma mtamo. Kambe hi tumbute ti to loko hi txi thumisa matshina a milayo ya diBhibhele ditshiku ni ditshiku, wuyelo nja hombe ngutu yo mana wutomi wa wunene. (Masalmo 128:1, 2) Etxo tximwetxo txa sivangelo si si hi mahako ti to hi gela vamwane ngu ta silo sa sinene si hi nga si gonda ka diBhibhele.

Hi hanya ngu milayo ya Txizimu. Hi ni tifanelo to fana ni kutiveka hahatshi ni wunene, i si ngeto basi milayo yoneyo yi yi gondiswako mu ka diBhibhele, yi yisa masoni mazumbelo a manene ni ku xonipha vamwane. Yona yi lulamisela mtxawa wa vathu va va ku ni wutomi wa wunene ava va vekako mihando, va va kuzetelako wumwewo wa mwaya ni mahanyelo a manene. Ha tsaniseka ti to “Txizimu kha txi khedhi m’thu” ni ku eto ngu tona ti mahako ti to kusungana kwathu ku t xi va ka matiko otshe, ku si nga ni mhaka ni sikhulumeta sa politika ni sa tixaka, hi sunganile ka likholo limwelo. Hambi ku hi ku vathu vo fana ni nawe, hi mtxawa wu wu nga hambana ni vamwane.​—Mithumo 4:13; 10:34, 35.

  • Nji txani atxi txi mahako Tifakazi ta Jehovha ti va vathu vo fana ni nawe?

  • Milayo muni yi Tifakazi ta Jehovha ti nga yi gonda mbimo yi ti nga gonda diBhibhele?