Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 28

Nji txani atxi u nga txi manako ka site yathu?

Nji txani atxi u nga txi manako ka site yathu?

Fransa

Poloniya

Rusiya

Jesu Kristu a gete vapizani vakwe atiya: “Kuwonekela kwanu ku na woninge masoni ka vathu votshe, kasiku, ngako va txi wona mithumo yanu ya yinene, va na dhumisa Tate wanu a ku nzumani”. (Matewu 5:16) Ti to ti koteka, hi yi thumisa kwati tekinolojiya ya ngweno, yi yi patako ni internet. Site yathu ya, jw.org, njisima txa madungula ya ma ku ka internet mayelana ni ti Tifakazi ta Jehovha ti ti tumelako ni mithumo ya tona. Ngu tihi ti u nga ti manako ka yona?

Tixamulo ta diBhibhele ta siwotiso asi si nga toloveleka. U nga mana tixamulo ta siwotiso simwane sa lisima ngutu. Mtxhanu wa sona ni tximwetxo sa xamulwa ka txiphephana atxi txi ku, Ina wa ti lava kuziva ditshuri?, atxi txi manekako ngu tidimi ti ti pindako 400. U nga tshumela u lera Vuhundzuluxeri Bya Misava Leyintshwa Bya Matsalwa Yo Kwetsima ngu tidimi ti ti pindako 100 ni mabhuku o hambana hambana ya ma vhunako kupfisisa diBhibhele, o fana ni Xana Bibele yi Dyondzisa yini Hakunene? ni marevhista a Xihondzo Xo Rindza ni Xalamuka! a konkuwa. Wungi wa mabhuku oneyo u nga lera mwendo ku ma engisela ka internet mwendo kubhaxara so maha ngu ku engisela, ngu PDF mwendo ngu EPUB. U nga ganja maphepha o kari ngu tidimi timwane ti to u ninga va va tsakelako. Ka maneka mabhuku ma ku ngu nzila ya vhidhiyo ngu tidimi ta mawoko ti ti pindako 20. U nga tshumela u bhaxara ku lerwa ka diBhibhele ngu nzila ya drama ni tidrama ta diBhibhele ni ku engisela tindando to tshamba ka mbimo yo humula.

Madungula a ditshuri mayelana ni Tifakazi ta Jehovha. Ka vekwa madungula a maphya, tivhidhiyo mayelana ni mthumo wathu, simahakalo mayelana ni Tifakazi ta Jehovha ni ku tikarata kwathu ko vhuna vamwane. U nga mana madungula mayelana ni tisengeletano ta mbimo ayi yitako ni madungula mayelana ni hofisi ya didhavi dathu.

Ngu tinzila toneto hi maha kuwonekela ka ditshuri ku woninga ku hokela magwito ka ditiko. Vathu va matiko otshe, ku pata ni ditiko da Antartidha va vhunwa. Hi kombelela ti to “dipswi da Mkoma di txi ya masoni” ha mafuni kotshe ti to wudhumo wuva ka Txizimu.​—2 Vatesalonika 3:1.

  • Site ya jw.org yi va vhuna ngu nzila yihi vathu vo tala kugonda ditshuri da diBhibhele ?

  • Nji txani txi u nga tsakelako ku txi mana ka site yathu?