Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 2

Ngu ku txani hi txi dhanwa ku hi Tifakazi ta Jehovha?

Ngu ku txani hi txi dhanwa ku hi Tifakazi ta Jehovha?

Nowa

Abrahamu ni Sara

Mosi

Jesu Kristu

Wungi wa vathu va pimisa ti to ditina di di ku khene Tifakazi ta Jehovha nda wukhongeli wa wuphya. Kambe se ku pinda malembe ya ma pindako 2.700 malanda a Txizimu txa tximwetxo txa ditshuri ma txi dhanwa kota “tifakazi” ta txona. (Esaya 43:10-12) Kala 1931 hi ti ngadi hi txi dhanwa ku hi Vagondi va DiBhibhele. Kambe ngu ku txani hi di amukete ditina da Tifakazi ta Jehovha?

Dona mfungo wa Txizimu txathu. Ngu kuya ngu mibhalo ya kale, ditina da Txizimu, Jehovha, di maneka makhati a magidhi ka diBhibhele. Ka wuhunduluxeli wo tala wa diBhibhele, ditina donedo di tsivetilwe ngu sithopo so fana ni Mkoma mwendo Txizimu. Kambe Txizimu txa ditshuri txi xawutete Mosi ditina da txona di di ku Jehovha, txi txi khene: “A diya ditina dangu ngu ha ku si gumiko”. (Eksodha 3:15) Toneto, ti mahile ti to Jehovha e hambana ni sizimu simwane sa makuhu. Ha ti guleta ngu kurwala ditina da Txizimu txo sawuleka.

Dona di xawutela mthumo wathu. Ka mbimo ya kale, vathu vo tala va ningete wufakazi wa likholo lawe ka Jehovha, wo khata wa vona i Abhele wamwamna wo lulama. Ngu ku tsimbila ka malembe, Nowa, Abrahamu, Sara, Mosi, Dhavhidha ni vamwane va mahile txienge txa “mtalo wa hombe wa tifakazi ta likholo”. (Vahebheru 11:4–12:1, Tradução do Novo Mundo, NM) Nga ha m’thu a nga vako fakazi ya m’thu wa mnene habanza, nanathu hi tiemisete kugela vamwane ditshuri mayelana ni Txizimu.

Hi eteta Jesu. DiBhibhele di mdhana ku i “fakazi yo thembeka ya ditshuri”. (Mtuletelo 3:14) Jesu a pune a wombile to ‘a va ningile kuziva ditina da Txizimu’ ni ku ‘ta maha fakazi ya ditshuri’ ya Txizimu. (Johane 17:26; 18:37) Ngu koneho, vapizani va ditshuri va Kristu va fanete kurwala ditina da Jehovha ni ku di zivisa. Eto ngu ti Tifakazi ta Jehovha ti ti karatelako ku ti maha.

  • Ngu ku txani Vagondi va DiBhibhele va di amukete ditina di di ku Tifakazi ta Jehovha?

  • Jehovha a ni tifakazi ha mafuni ku khukhela mbimo yihi?

  • I mani wu i ku Fakazi ya hombe ya Jehovha?