Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 24

Yi manwa hayi mali yo seketela mthumo wathu wa mafu otshe?

Yi manwa hayi mali yo seketela mthumo wathu wa mafu otshe?

Nepali

Togo

Inglatera

Sengeletano yathu dilembe ni dilembe yi humisa ni ku ningelela mazana a timiliyoni ta maBhibhele ni mabhuku mamwane na yi si hakelisi txilo. Hi aka ni ku khatalela Tinyumba ta Mfumo ni mahofisi ya madhavi. Hi khatalela magidhi a vathumi va Bhetele ni varumiwa ni ku ha ningela sivhuno ngu sa manzani ngu mbimo ya tiphango. U nga ti wotisa tiya: ‘Yi manwa hayi male yo seketela totshe eto?’

Kha hi hakelisi ngu mithumo yathu, kha hi lavi sa wugume nem kha hi sengisi txilo. Hambi ku mthumo wathu wo txhumayela wu lavako male yo tala, kha hi hakelisi male. Ngu kuya ngu direvhista da wumbidi da Xihondzo xo Rindza di nga humiswa kona mu ka dizana da malembe ya ma nga pinda, athu ha tsaniseka ti to Jehovha i mseketeli wathu ni ku “kha hi na mbi lava mwendo ku kombela ka vathu ti to ve hakelela mthumo wathu”​—ni ku kha ha ngaza hi di ti mahile toneto!​—Matewu 10:8.

Mithumo yathu yi seketelwa ngu miningelo yo tidhundela. Vathu vo tala va wu ninga lisima mthumo wathu wo gondisa diBhibhele ni ku va wu seketela ngu miningelo. Ngu litsako Tifakazi ta Jehovha ti ningela ngu mbimo, ngu mtamo, ngu male ni ngu silo simwane ti to ti seketela ku mahwa ka kuranda ka Txizimu mafuni kotshe. (1 Matimu 29:9) Va di ka Tinyumba ta Mfumo ni ka tisengeletano, votshe va nga ningela ka makaxa aya ma nga vekwa o maha ka ona miningelo. Ku tala ka miningelo yita ngu ka sisiwana, nga ha noni yile ya txisiwana yi nga khuzelwa ngu Jesu ngu ku va yi di ningete simaliyana sa yona sa simbidi sa simbi ka txiya txa misengo ya dithepele. (Luka 21:1-4) Ngu toneto mmwane ni mmwane a nga “phawusa txo kari e veka ngu phuho” ti to e “ningela kota nga ti a xuvisako tona mbiluni kwakwe”.​—1 Vakorinto 16:2; 2 Vakorinto 9:7.

Kha hi kanakani ti to Jehovha a na ya masoni e kuzeta ava va lavako ‘ku m’dhumisa ngu silo sawe sa lisima’ ngu ku seketela mthumo wa Mfumo ti to kuranda kwakwe ku mahwa.​—Swivuriso 3:9.

  • Sengeletano yathu yi hambana ngu nzila yihi ni wukhongeli wumwane?

  • Miningelo yo tidhundela yi thumisiswa ku txani?