Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 7

Ku mahwa txani ka mitshangano yathu?

Ku mahwa txani ka mitshangano yathu?

Nova Zelandiya

Japani

Uganda

Lituwaniya

Mbimo yi Makristu o khata ma nga ti sengeletana ma ti embelela, me maha mikombelo, me lera diBhibhele ni ku txhamusela Mibhalo​—ku si mahwi sihena. (1 Vakorinto 14:26) Ka mitshangano yathu u nga wona ti ti fanako.

Madungula a kona ma seketetwe ka diBhibhele ni ku ma vhuna ditshiku ni ditshiku. Ngu magwito ka divhiki Tifakazi ta Jehovha ta sengeletana mabanzani ti to ti engisela M’wombawombo wu wu nga seketelwa ka diBhibhele wa 30 wa timeneti wu wu kombisako ti to Mibhalo nja lisima ni ku yi thuma ngu nzila yihi nyamsi. Hotshethu ha rambwa ti to hi londisela ka maBhibhele athu mbimo yi ku lerwako tindimana. M’wombawombo wu londiselwa ngu Gondo ya “Xihondzo xo Rindza”, ayi yi tsimbitiswako ngu diwora dimwedo a ha votshe va nga txhuseka ku ningela tixamulo. Ku thumiswa msungo wa mhaka wa ha ka direvhista da gondo da Xihondzo xo Rindza, awu wu hi vhunako ku thumisa milayo ya diBhibhele. Ka mabanza ya ma pindako 110.000 ku gondwa mhaka ayi yi fanako.

Hi amukela txivhuno txo tshukwatisa wusikoti wathu wo gondisa. Hagari ka divhiki ni kona ha ñola mtshangano wa sienge siraru. Txo khata i Gondo ya DiBhibhele ya Dibanza, ya 30 wa timeneti ayi yi ku ni siwotiso ni tixamulo ayi yi hi vhunako ku pfisisa matshina a milayo ni wuprofeti wa diBhibhele. Ku londisela Txikolwa txa Wuthumeli wa Txitimwi, atxi txi mahwako ngu 30 wa timeneti, txi khata ngu ku xolisisa txienge txa diBhibhele atxi siro sa dibanza si nga lera m’tini. Ava va nga ti bhalisa va maha sienge sawe so koma. Mtsimbitisi wa txikolwa a ningela titxhamuselo ti to e hi vhuna ku tshukwatisa kulera kwati ni ku tshukwatisa mawombawombelo athu. (1 Timoti 4:13) Ngu magwito, ku ni Mtshangano wa Mthumo wa 30 wa timeneti ha ku ku ni miwombawombo ni mikombiso ni miwombawombisano ayi yi hi kombako nzila yo gondisa vamwane diBhibhele.

U txi thuka u ya ka yimwane ya mitshangano yathu, kha ti kanakanisi ti to u na xamatiswa ngu magondiselo a diBhibhele.​—Esaya 54:13.

  • Nji txani txi u alakanyako ti to u na txi mana ka mitshangano ya Tifakazi ta Jehovha?

  • Ka mitshangano yathu ngu wuhi awu u nga tsakelako ku wu xalela?