Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 16

Ngu wuhi mthumo wa malanda a wuthumeli?

Ngu wuhi mthumo wa malanda a wuthumeli?

Miyanmar

Txienge txa mitshangano

Mtxawa woya thembweni

Ku khatalelwa ka Nyumba ya Mfumo

DiBhibhele di wombawomba ngu mitxawa yimbidi ya vavamna va va ku ni wutixamuleli dibanzani​—“vawoneleli ni malanda a wuthumeli.” (Vafilipiya 1:1, NM) Ngu txitalo, ka dibanza dimwane ni dimwane ku ni vanathu vo nga vonevo va va thumelako dibanza. Ngu wuhi mthumo wa malanda a wuthumeli?

Ona ma vhunetela mmidi wa madhota. Ka malanda a wuthumeli, vamwane vaphya, vamwane vathu va va nga kula ava va nga vitwa ngu didhawa da moya, vo thembeka ni ku tiningetela. Vona va khatala ngu mithumo ya lisima dibanzani. Toneto ti vhuna madhota ti to me kota ku hetisisa mthumo wa ona wo gondisa ni ku maha maendo a wudyisi.

Ona ma maha mithumo ya lisima. Malanda a wuthumeli mamwane ma sawulwa kuva vaxungameti, kuamukela va va tako mitshanganoni. Mamwane ma khatalela mitxhini ya wutxenje, mabhuku, timale ta dibanza ni kuavela makhalo o huma thembwe ka siro sa dibanza. Ona ma khatalela kambe wuxayiseki wa Nyumba ya Mfumo. Madhota ma nga ma kombela ti to me khatalela va vo kumba. Mthumo wumwane ni wumwane wu malanda a wuthumeli ma wu mahako ngu ku ti tsakela wu maha ti to hi ma xonipha.​—1 Timoti 3:13, NM.

Kota vavamna va i ku Makristu ma veka txikombiso txa txinene. Malanda a wuthumeli ma sawulwa ngu kuya ngu tifanelo ta tinene ta ona ta moya. Ma di ni sienge dibanzani, ma tsanisa likholo lathu. Ngako i ku sikombiso sa sinene kutxhumayelani, ma hi kuzeta ti to hi engetela ku hiseka kwathu. Aku ma nga ti emisela ku va nyanda yimweyo, ti maha ti to kuva ni litsako ni mpatano. (Vaefesu 4:16) Ngu ku tsimbila ka mbimo ona ma nga fanelekela kuthuma kota madhota.

  • Malanda a wuthumeli vathu vo zumbisa ku txani?

  • Malanda a wuthumeli ma di vhunisa ku txani dibanza ti to diva nyanda yimweyo?