Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 6

Kusengeletana ni Makristu kulothi ti hi wuyelisa ngu nzila yihi?

Kusengeletana ni Makristu kulothi ti hi wuyelisa ngu nzila yihi?

Madhagaskar

Norowega

Libhanoni

Italiya

Hambi hi txo sinziseka kutsimbila hagari ka sitinga so thisa mwendo ka pheho ni lisani, kha hi leki ku sengemela ka mitshangano yathu ya Wukristu. Hambi ku Tifakazi ta Jehovha ti lwisanako ni sikarato sa wutomi ni mikaralo ya mithumo ya ditshiku ni ditshiku, ngu ku txani ti txi ti karatela ku va kumweko ni makholwa kulowe?

Atiya ndinene kwathu. A txi wombawomba ngu ku pfana hagari ka siro sa dibanza, Paulo a ti khene “a hi laveni tinzila to vhunana”. (Vahebheru 10:24) Mawombawombelo eyo, ma kombisa ti to hi fanete kumaha mizamo yo ziva vanathu dibanzani. Ona ma hi kuzeta ti to hi kota ku khatala ngu vamwane. Ngu ku lwela kuziva timwaya timwane ta Makristu, hi tumbula ti to timwane ta kona ti xute sikarato so fana ni si nathu hi tshanganako naso ni ku, ti nga hi vhuna ti to nathu hi kota ku si xula.

Ku aka wungana wa wunene. Ka mitshangano yathu kha hi ngo va ni vathu va hi ko zivana navo basi kambe hi hagari ka vangana vavanene. Ka simwane sikhati, hi heta mbimo hi txi hungata kumweko ngu nzila ya wutxhari. Kutshangana koneko ku hi wuyelisa ngu nzila yihi? Hi gonda ku xoniphana ngutu ni ku eto ti tsanisa lirando lathu ngu vamwane. Toneto ti hi maha ti to hi kota kuvhuna vanathu vatxiwamna ni vatxisikati mbimo yi va tshanganako ni sikarato. (Swivuriso 17:17) Ngu ku titshanganisa ni sotshe siro sa dibanza, hi kombisa ku khatala ku hi ku nako ngu vamwane.​—1 Vakorinto 12:25, 26.

A nawe ha ku kuzeta ti to u maha wungana ni vathu ava va mahako kudhunda ka Txizimu. Vangana vonevo u nga va mana hagari ka Tifakazi ta Jehovha. U nga tumeleli txilo ti to txi ku tsivela ku ti tshanganisa ni nathu.

  • Ngu ku txani hi txi vhuneka ngutu ngu ku maneka kwathu mitshanganoni?

  • Ngu dihi ditshiku di u tsakelako ku ya ziva dibanzani kwathu?