Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 26

Hi nga yi khatalelisa ku txani Nyumba yathu ya Mfumo?

Hi nga yi khatalelisa ku txani Nyumba yathu ya Mfumo?

Estoniya

Zimbabwe

Mongoliya

Porto Riko

Nyumba yimwane ni yimwane ya Mfumo ya Tifakazi ta Jehovha yi kombisa ditina do sawuleka da Txizimu. Ngu toneto hi ti teka i di lungelo ni txiphemu txa lisima txa wukhozeli wathu wo sawuleka ku yi xayisa yi zumba yi di basile, yi txi woneka kwati ni ku va ka mazumbelo a manene. Hotshethu kwathu hi nga vhuneta.

Vhuneta ka kubasisa msana ka mitshangano. Msana ka mitshangano, vanathu va txiwamna ni va txisikati va tsakela kuvhuneta kubasisa ni ku lungiselela Nyumba ya Mfumo. Kumweko ngu divhiki ku mahwa basiselo ya yotshe nyumba. Didhota mwendo dilanda da wuthumeli di kongomisa mathumelo, ngu txitalo di thumisa diphepha da mithumo yi yi lavekako. Ngu kuya ngu txilaveko, vathumi vo tidhundela va hiyela ni ku kuwula mndani, kubasisa situlu ni kusilungisela, kubasisa majanela ni hahanze ka yona, kubasisa sisambelo, ku khatalela jaradhi ni ku ya tshotsha nzambwa. Kumweko ngu dilembe ku vekwa ditshiku do maha basiselo ya hombe ngutu. Ngu ku va hi txi maneka ka mithumo yoneyo, hi nga gondisa vanana vathu ti to ve va ni txixonipho ngu wukhalo wathu wa wukhozeli.​—Eklesiasta 5:1.

Sanzeka diwoko mbimo yi yi wusetwako. Dilembe ni dilembe Nyumba ya Mfumo ya kambelwa mndani ni hahanze. Ngu ku kambelwa koneko, ya wusetwa mbimo yotshe ti to yi xayiseka ni ku va ni txiemo txa txinene, eto ti hi vhuna kwambi thumisa male yo tala na ti si laveki. (2 Matimu 24:13; 34:10) Nyumba ya Mfumo yi yi nga basa ni kuxayiseka kwati, i wukhalo wo sawuleka wo khozela Txizimu txathu. Ngu ku maneka ka mithumo yoneyo, hi kombisa lirando ali hi ku nalo ngu Jehovha ni wukhalo awu hi mu khozelako ka wona. (Masalmo 122:1) Totshe eto ti nga maha ti to vathu ve tsakela.​—2 Vakorinto 6:3.

  • Ngu ku txani hi sa fanela kuhunisela ku lungisela wukhalo wathu wa wukhozeli?

  • Ngu yahi malulamiselo aya ma mahwako ti to hi xayisa Nyumba ya Mfumo yi zumba yi di basile?