Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Mba Mani Ava Va Mahako Kudhunda ka Jehovha Nyamsi?

 GONDO 27

Bhibhiliyoteka yi yi ku Nyumbani ya Mfumo yi nga hi vhunisa ku txani?

Bhibhiliyoteka yi yi ku Nyumbani ya Mfumo yi nga hi vhunisa ku txani?

Israyeli

Republika ya Txheka

Bhenin

Sitondolo sa Kayimani

Ina khu tsakeli ku maha wuxolisisi ti to u engetela wuzivi wako ngu diBhibhele? Ina khu tsakeli ku gonda to tala mayelana ni tindimana ta diBhibhele mwendo ngu m’thu wo kari, wukhalo mwendo mhaka yo kari yi yi nga bhalwa ka diBhibhele? Ina u ta nga tiwotisa ti to ina Dipswi da Txizimu di nga ku vhuna ka txikarato txo kari txi u nga vako natxo? Ti di ngeto thumisa bhibhiliyoteka ayi yi ku Nyumbani ya Mfumo.

Yi ni silo sa sinene so maha ngu sona wuxolisisi. Ti nga maheka awe u si nga ni mabhuku otshe a Tifakazi ta Jehovha ngu lidimi lako. Kambe bhibhiliyoteka yi yi ku Nyumbani ya Mfumo yi ni mabhuku o tala a maphya. Ti nga maheka ku di ni wuhunduluxeli wo hambana hambana wa diBhibhele, dicionário ni mabhuku mamwane a lisima. Tipfe u di txhusekile kuthumisa bhibhiliyoteka yi si se khata mitshangano ni loko yi di gumile. Ti nga maheka ku di ni komputadhori ayi yi ku ni Watchtower Library (Biblioteca da Torre de Vigia) ayi yi nga vekwa. Ayiya i programa ya komputadhori ayi yi ku ni mabhuku o tala a maphya ni txithumiswa atxi ti hehukako ku txi thumisa ka ku xolisisa mhaka yo kari, dipswi do kari mwendo mbhalo wa mu ka diBhibhele.

Ya vhuna sigondani si si nga tibhalisa ka Txikolwa txa Wuthumeli wa Txitimwi. Ku ngati u di tibhalisile ka txikolwa txonetxo, bhibhiliyoteka yi yi ku Nyumbani ya Mfumo yi nga ku vhuna ngutu ti to u lulamisela txienge txako. M’woneleli wa txikolwa ngene a xamulako ngu bhibhiliyoteka. Ene a khatala ngu ti to mabhuku a maphya ni ona me vekwa ka yona ni ku ma na zumbe ma di xayisekile kwati. Awe u nga m’kombela mwendo ku kombela wu a ku gondelako diBhibhele ti to e ku komba nzila yo mana madungula ya u ma lavako. Kambe kha ti tumelelwi kuhuma hanhanze ni dibhuku ni da dimwedo da Nyumbani ya Mfumo. Ta pfala, ti ndina va tinene kutuletela khakwati dibhuku ni ku u si bhali txilo ka dona.

DiBhibhele di khene, ti to hi mana “wuzivi wa Txizimu” hi fanete ku tiemisela ku wu lava “kufana ni thomba ayi yi nga siswa”. (Swivuriso 2:1-5) Bhibhiliyoteka yi yi ku Nyumbani ya Mfumo yi nga ku vhuna ti to u khata wuxolisisi wonewo.

  • Nzithumiswa sihi so maha ngu sona wuxolisisi si si kuho Nyumbani ya Mfumo?

  • I mani wu a nga ku vhunako kuthumisa kwati Bhibhiliyoteka?