Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Bhiblia yi nga hi gondisa txani?

 NDIMA 11

Ngu ku txani ku di ni kuxaniseka ko nga tiya?

Ngu ku txani ku di ni kuxaniseka ko nga tiya?

1, 2. Ngu tihi ati vathu vo tala va ti wotisako tona?

TSHUNAMI yi wonhetela madhoropa. Txigevenga txa hisa txhetxhe, txi gangela ni kudayela vathu va vangi. Mbeva yi date mame wo kari, e siya mtxhanu wa vanana.

2 Mbimo yi malwati mwendo tiphango to fana nito ti humelelako, va vangi va wotisa, “Ngu ku txani?” Vo tala va wotisa ti to ngu ku txani mafu ma di tate ngu livengo ni kuxaniseka. Ina u ta nga tiwotisa awe u pune to fana ni toneto?

3, 4. a) Ngu sihi siwotiso asi Habhakuki a nga wotisa? b) Jehovha a m’xamulisile ku txani?

3 Amu ka Bhiblia hi gonda ti to, vavamna va nga ti ni likholo lo tsana ka Txizimu va wotisile siwotiso so nga toneto. Ngu txikombiso, mprofeti Habhakuki a wotisile Jehovha a txi khene: “Ngu ku txani u txi ni wonisa mihumbo yo nga tiya? U txi ni wonisa Sikarato siya kani? No gumela kuwona sixaniso ni tshofu dwe. Masoni kwangu ni wona kuvengelana ni mazunga.”—Habhakuki 1:3.

4 Ka Habhakuki 2:2, 3 Txizimu txi xamute siwotiso sa Habhakuki txi tshumela txi thembisa kululamisa timhaka. Bhiblia yi womba ti to Jehovha a ni lirando lo tshima ngu vathu. Bhiblia yi khene: “Ngu txona txi mi khatalelako.” (1 Pedro 5:7) Phela, Txizimu txi vengela kuxaniseka ku pinda athu. (Isaya 55:8, 9) Konkuwa he bhuli ngu mhaka yiya: Ngu ku txani ku di ni kuxaniseka ko nga tiya ha mafuni?

 NGU KU TXANI KU DI NI KUXANISEKA KO NGA TIYA HA MAFUNI?

5. Vakhongeli vo tala va khona txani mayelana ni ku xaniseka? Ngu tihi ati Bhiblia yi gondisako tona?

5 Vafundisi, vaprista ni vagondisi va titxhetxhe va womba ti to ngu dhunda ka Txizimu ti to vathu ve xaniseka. Vamwane va nga womba ti to m’thu atxi humelelwa ngu to maha, ku pata ni tiphango, Txizimu txi ti lavisile toneto se athu kha hi na ku tipfisisa ti to ngu ku txani. Vamwane se va womba ti to ngako vathu va txi fa, ku pata ni sivanatana va dhanwi ngu Txizimu nzumani. Kambe eto makuhu. Jehovha kha thuki e maha to biha. Bhiblia yi khene: “Kumaha to mbi lulama ku na ve kule ni Txizimu, wubihi wu na ve kule ni Nyamne wa mtamo Wotshe!”—Jobe 34:10.

6. Ngu ku txani vathu va vangi va txi lumbeta Txizimu mayelana ni kuxaniseka ha mafuni?

6 Vathu va vangi va lumbeta Txizimu ti to ngu txona txi vangako kuxaniseka ha mafuni nguko va pimisa ti to ngu txona txi fumako mafu. Kambe ka ndima 3 hi gondile ti to, ngu ditshuri Sathane Dhiyabhulosi ngene a fumako mafu.

7, 8. Ngu ku txani ku di ni kuxaniseka ko nga tiya ha mafuni?

7 Bhiblia yi hi gela ti to “ditiko dotshe di mtamoni ka m’bihi”. (1 Johane 5:19) Mfumeli wa mafu awa, ene Sathane Dhiyabhulosi, a bihile ngutu futshi njigevenga. Ngene “mxengeteli wa dotshe ditiko”. (Mtuletelo 12:9) Vathu vo tala va fana ni nene. Se ngu toneto mafu ma nga tala ngu makuhu, livengo ni wugevenga.

8 Nditxe txivangelo tximwane atxi txi mahako ti to ku va ni kuxaniseka. Msana ko va Adhamu ni Evha va di gohile, va thapelisile txiwonho ka vanana vawe. Se ngu mhaka ya txiwonho vathu va xanisa vamwane. Va ti veka  txitimwi ka vamwane. Valwisana, va ya yimbini, ni ku dyiseta vamwane. (Eklesiaste 4:1; 8:9) Yimwane mbimo vathu va xaniseka ngu mhaka ya “mbimo ni mhaka yi yi nga mbi rinzelwa”. (Eklesiaste 9:11, Tradução do Novo Mundo) Mbimo yi va ku ka wukhalo wu wu nga mbi lunga ngu mbimo ya walo, tiphango ti nga humelela.

9. Hi nga tsanisekisa ku txani ti to Txizimu txi ni txivangelo txo pfala txo tumelela ti to kuxaniseka ku ya masoni?

9 Jehovha kha vangi kuxaniseka. Ene kha nga ni mnando ngu yimbi, wugevenga ni kutshikelela. Txizimu kha txi vangi tiphango to fana ni kuzinginikela ka mafu, sihuhuri ni tindambi. Kambe u nga xamala, ‘i di ti to Txizimu txi ni mtamo wa hombe ha mafuni kotshe, ngu ku txani txi si tsiveli timhaka tiya ti to ti si humeleli?’ Ha tiziva ti to Txizimu txa hi khatalela ngutu, se txi fanete txi di ni txivangelo txi txi pfalako txo tumelela ti to kuxaniseka ku ya masoni.—1 Johane 4:8.

NGU KU TXANI TXIZIMU TXI TXI TUMELELA KUXANISEKA

10. Sathane a mu vhukisile ku txani Jehovha?

10 Jaradhi ka Edheni, Dhiyabhulosi a xengile Adhamu ni Evha. Sathane a lumbetile Txizimu atxi khene i Mfumeli wo biha. Ati khene Txizimu txi sisela Adhamu ni Evha ti mhaka ta tinene. Sathane a lavile ti to ve tumela ti to ene a nga va mkoma wa mnene ku pinda Jehovha ni ku vona va si na kuvilela Txizimu.—Genesisi 3:2-5; wona Titxhamuselo to gwitisa 27.

11. Ngu txihi txiwotiso atxi txi lavako hi txi xamula?

11 Adhamu ni Evha kha va engisa Jehovha se va m’wukete. Va alakanyile ti to va ti ni fanelo yo sunga ati i ku ta tinene ka to biha. Jehovha a ndina maha txani ti to e kombisa ti to va ti phazamile ni ti to ene wa ti ziva ta tinene kwathu?

12, 13. a) Ngu ku txani Jehovha a sa tekela kulovisa vakanetivo koneho? b) Ngu ku txani Jehovha a di tumelete Sathane ti to e fuma mafu ni kutumelela vathu ti to ve ti fuma vapune?

 12 Jehovha kha tekela kulovisa Adhamu ni Evha koneho. Kambe a tumelete ti to Adhamu ni Evha ve va ni vanana. Se Jehovha a mahile ti to vanana va Adhamu ni Evha ve sawula awu va lavako ti to eva mkoma wawe. Txikongomelo txa Jehovha i ti ku tata mafu ngu vathu vo hetiseka, se eto ti na maheka ku singa ni mhaka ni ti to Dhiyabhulosi a maha txani.—Genesisi 1:28; Isaya 55:10, 11.

13 Sathane a vhukile Jehovha masoni ka timiliyoni ta tingelozi. (Jobe 38:7; Dhanieli 7:10) Kambe Jehovha a ningile Sathane mbimo yo kombisa ti to ati a nga ti womba makuhu mwendo nem. Se Jehovha a ningile vathu mbimo yo ve timahela tawe va txi kongomiswa ngu Sathane ku na wona ti to ti na va tsimbilela kwati na va si vhunwi ngu Txizimu.

14. Ngu tihi ti ti nga tumbuleka ngu kutsimbila ka mbimo?

14 Se kupinda malembe a makhulukhulu vathu va txi duketa ku ti fuma, kambe va tandeka. Se ti kombisilwe ti to Sathane mu hembi. M’thu a lava txivhunu txa Txizimu. Jeremiya a ti tsanisile mbimo yi a nga khene: “Na ti ziva ta tinene, Mkoma, ti to m’thu hi nga nyane wa kuhanya kwakwe. Ni wule i ku mtsimbili kha si koti kukombisa nzila makando akwe apune.”—Jeremiya 10:23.

KASI JEHOVHA A EMELA TXANI YOTSHE MBIMO YIYA?

15, 16. a) Ngu ku txani Jehovha a di tumelete kuxaniseka ku ya masoni? b) Ngu ku txani Jehovha a sa tsivela ati ti nga vangwa ngu Sathane?

15 Ngu txani Jehovha a txi tumelela kuxaniseka ku teka mbimo yo lapha yo nga tiya? Ngu ku txani a si tsiveli to biha. Txo khata, ti teka mbimo ti to ti kombiswa ti to  wukoma wa Sathane wu tandekile. Vathu se va duketete mafumelo a mangi, kambe ku ve mnyuko wa yimbwa. Hambiku va nga humelela ka siyensiya ni tekinolojiya, ha mafuni ku ni wubihi, wusiwana, wugevenga ni tiyimbi kupinda kale. Ku ti fuma hi pune hi si vhunwi ngu Txizimu, ngu heta txhukela ngu ku bwelela.

16 Txa wumbidi, Jehovha kha tsivela ati ti nga vangwa ngu Sathane nguko eto ti ndina womba ti to Txizimu txi seketela wukoma wa Sathane, se ene kha na kumaha toneto. Vathu va ndina kholwa ti to va nga ti fuma. Toneto makuhu, se Jehovha nga a si ma timiseleli makuhu oneyo. Ene kha hembi.—Vahebheru 6:18.

17, 18. Nji txani atxi Jehovha o no txi maha ngu yotshe nyanyalala yi yi nga vangwa ngu Sathane?

17 Ina Jehovha a nga lulamisa yotshe nyanyalala yi yi nga mahwa ngu kwa mbi engisa ka Sathane ni vathu? Inna. Ka Txizimu txi walo txi txi tandekako. Jehovha wa ti ziva kwati ti to i ditshiku di ku no lulamiswa ngu dona manyala otshe a Sathane. Se ngu magwito mafu ma na va paradhise, nga ti a nga ti ti lavisile tona. Votshe vale va “ku mayivani a txialakanyiso” va na wuswa. (Johane 5:28, 29, NM) Vathu kha va na mbi swa ve lwala ni kufa. Jesu a na lungisa yotshe nyenyeza yi yi nga vangwa ngu Sathane. Jehovha a na thumisa Jesu ti to e “gumisa mithumo ya Dhiyabhulosi”. (1 Johane 3:8) Ha m’bonga ngutu Jehovha ngu kuva a di hi timiselelete nguko hi nga m’ziva se hi maha txisungo txo m’lava ti to e va Mkoma wathu. (Lera 2 Pedro 3:9, 10.) Hambi hi txo xaniseka, ene wa hi vhuna ti to hi tsanisela sixanisa sathu.—Johane 4:23; Lera 1 Vakorinto 10:13.

18 Jehovha kha hi sinzisi ti to hi sawula ene kota Mkoma wathu. Ene a ningile vathu mkhululeko wo ti sawulela.  He woni ti to ningo yiya ya lisima yi womba txani kwathu.

U NA YI THUMISISA KU TXANI NINGO YA MKHULULEKO WO TISAWULELA?

19. Ngu yihi ningo ya lisima ayi Jehovha a nga hi ninga yona? Ngu ku txani hi di fanete kubonga ningo yiya?

19 Ningo yiya ya Jehovha yo tsakisa ya mkhululeko wo tisawulela, yi maha ti to hi hambana ni sihari. Sona si maha to maha ngu kuya ngu matipfelo a sona, kambe athu hi nga sawula ti to hi lava kumaha txani ngu wutomi wathu ni kusunga ti to hi lava kutsakisa Jehovha. (Mavingwa 30:24) Nem kha hi nga mitxhini ayi yi mahako ati yi nga vekelwa tona. Hi ni mkhululeko wo sawula ti to hi lava ku va vathu vo zumbisa ku txani, i mani mngana wathu, ni ku hi lava kumaha txani ngu wutomi wathu. Jehovha a lava hi ti dila ngu wutomi.

20, 21. Ngu tihi ta tinene ati awe u nga ti sawulako konkuwa?

20 Jehovha a lava ti to hi mranda. (Matewu 22:37, 38) Ene a fana ni tate awu a tsakako a txi pfa mwanana wakwe atxi khene “na ku dhunda papa”, ngako a wombako ti txi ta ngu mbiluni kwakwe kambe i singa ngu kurumwa. Jehovha a hi ningile mkhululeko wo sawula ti to hi lava kuthumela ene mwendo nem. Sathane, Adhamu ni Evha va sawute ku tshuralela Jehovha. Se awe u na yi thumisisa ku txani ningo yako yo ti sawulela?

21 Thumisa mkhululeko wako ti to u thumela Jehovha. Ku ni timiliyoni ati ti nga sawula kutsakisa Txizimu ve tshuralela Sathane. (Mavingwa 27:11) Nji txani atxi u nga txi mahako konkuwa ti to u ta va ho ka mafu a maphya a Txizimu mbimo yi txi no thavisa kotshe kuxaniseka? Ndima yi yi londiselako yi na xamula txiwotiso txonetxo.