Ndaka u ya ka menu ya wumbidi

Tifakazi ta Jehovha

Txitxopi

I mani kha ditshuri a fumako mafu?

I mani kha ditshuri a fumako mafu?

U wona ti to . . .

  • Txizimu?

  • mbathu?

  • mmwane m’thu?

 NGU TIHI TI DI BHIBHELE DI WOMBAKO TONA

“Ditiko dotshe di mtamoni ka M’bihi.”1 Johane 5:19.

“Mwanana wa Txizimu a ti wonekisile . . . kasi ku ta fuvisa mithumo ya Sathane.”1 Johane 3:8.

TONETO TI NI TXIVHUNO MUNI KA WENA?

Mitxhamuselo yo pfisiseka ya sikarato sa mafu.Mtuletelo 12:12.

Txivangelo txo kholwa to mafu yathu ma na hunduka me va ya manene.1 Johane 2:17.

 HI NGA KHOLWA KANI NGU KU TSANISEKA TI DI BHIBHELE DI TI WOMBAKO?

Inna, hi na wombawomba ngu sivangelo siraru:

  • Ku fuma ka Sathane ku abanisilwe. Jehovha a tiemisete ku gumisa wuthangeli wa Sathane txitimwi ka vathu. Ene a thembisa to a na “lovisa . . . Sathane,” e hundula kotshe ku wonha ku Sathane a nga ku vanga.Vahebheru 2:14.

  • Txizimu txi sawute Jesu ti to e fuma mafu. Jesu a hambani ngutu ni mfumi wo tialakanyela wa mafu awa a ngweno, ma ku ni tshofu. Mayelana ni wukoma wa Jesu, Txizimu txi thembisile: “A na va ni wumbilu ka va vo ti veka hahatshi a na hanyisa wutomi wa sikulungu . . . A na si ponisa wukhumbini ni kuxaniswani.”Masalmu 72:13, 14.

  • Txizimu kha txi na makuhu. Di Bhibhele da womba ha kubasani: “Kha ti koteki ti to Txizimu txi txi hi kanganyisa.” (Vahebheru 6:18) Mbimo yi Jehovha a thembisako ku maha to kari, ti fana ni kuva se ti di mahekile! (Isaya 55:10, 11) “Ngu kona a no tovelwa mfumi wa mafu awa.”Johane 12:31.

 ALAKANYISISA NGU TIYA

Mafu awa ma na va ni mazumbelo muni msana ko mfumeli wa wona a di thavisilwe?

Di Bhibhele da xamula mhaka yiya ka Masalmu 37:10, 11 ni MTULETELO 21:3, 4.