Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Engisa Txizimu u hanya ngu ha ku si nga ku ni magwito

 Txienge 5

Ndambi ya hombe​—I mani a nga engisa? Ni ku i mani a nga mbi engisa?

Ndambi ya hombe​—I mani a nga engisa? Ni ku i mani a nga mbi engisa?

Wungi wa vathu ka mbimo ya Nowa va txi maha to biha. Genesisi 6:5

Adhamu ni Evha va ve ni vanana, vathu se i di vangi ha mafuni. Msana ka mbimo, timwane ta tingelozi ti seketete kwambi engisa ka Sathane. Ti tshumela ti ta ha Mafuni.

Tingelozi toneto ti ti phindute ti va vathu, ti txhadha ni va vasikati. Vanana va nga velekwa i di sihotxovila, va mitamo ni va sighevenga.

Ha mafuni kotshe ku di tate ngu vathu vo maha to biha. Di Bhibhele di khene: ‘wubihi wa m’thu wu tala ngutu ha mafuni, ni mixuvo ya ku navela ka mbilu yakwe yi di bihile mbimo yotshe.’

 Nowa a engisile Txizimu e aka ngalava. Genesisi 6:13, 14, 18, 19, 22

Nowa i di m’thu wa mnene. Jehovha a ghete Nowa ti to a di na heta vathu vo biha ngu ndambi ya hombe.

Txizimu txi tshumete txi ghela Nowa ti to e aka ngalava ya hombe. Ka yona a di na beta mwaya wakwe ni sihari sa tixaka totshe.

Nowa a ghete vathu ngu ta kuta ka Ndambi, kambe kha va mu engisa. Vamwani va txi mseka ni ku mvengela.

Mbimo yi a nga heta ku aka ngalava, Nowa a to beta sihari.