Ndaka u ya ka menu ya wumbidi

Ndaka u ya ka dijanela da mndani

Tifakazi ta Jehovha

Txitxopi

Engisa Txizimu u hanya ngu ha ku si nga ku ni magwito

 Txienge 1

Hi nga txi engisisa ku txani Txizimu?

Hi nga txi engisisa ku txani Txizimu?

Txizimu txi wombawomba ni nathu ngu ku thumisa Di Bhibhele. 2 Timoti 3:16

Txizimu txa ditshuri txi thumisile vathu ku bhala mialakanyo ya txona ka dibhuku do basa. Dibhuku edo Di Bhibhele. Di ni mahungu ya lisima a ya Txizimu txi lavako ti to u ma ziva.

Txizimu txa ti ziva a ti i ku ta tinene kwathu, ni wuzivi wotshe wu ta ngu ka txona. Awe u txi txi engisa u na txhariha.​—Mavingwa 1:5.

Txizimu txi lava ti to vathu votshe ve gonda Di Bhibhele. Da maneka ngu tidimi ta tingi.

U txi lava ku engisa Txizimu, ti lava u gonda ni ku pfisisa Di Bhibhele.

 Ha mafuni kotshe vathu va txi engisa Txizimu. Matewu 28:19

Tifakazi ta Jehovha ti nga ku vhuna ti to u pfisisa Di Bhibhele.

Ha mafuni kotshe ti gondisa ditshuri mayelana ni Txizimu.

Awe u nga gondiswa mahala. U nga tshumela u gonda ngu Txizimu Nyumbani ya Mfumo ya Tifakazi ta Jehovha hafuhi ni mtini kwaku.