Ndaka u ya ka menu ya wumbidi

Tifakazi ta Jehovha

Txitxopi

Di Bhibhele u di wona i di txani?

Di Bhibhele u di wona i di txani?

U khawe . . .

  • dibhuku da wutxhari wa vathu?

  • dibhuku da tikaringane?

  • Dipswi da Txizimu?

 NGU TIHI TI DI BHIBHELE DI WOMBAKO TONA

“Yotshe Mibhalo yi pimisilwe ngu Txizimu.”2 Timoti 3:16.

TONETO TI NI TXIVHUNO MUNI KA WENA

Tixamulo to pfisiseka ka siwotiso sa hombe sa wutomi.Mavingwa 2:1-5.

Wukongomisi wo thembeka wa ku hanya ka ditshiku ni ditshiku.Masalmu 119:105.

Txithembo txo tsana txa timbimo ti ti tako.Varoma 15:4.

 HI NGA KHOLWA KANI NGU KU TSANISEKA TI DI BHIBHELE DI TI WOMBAKO?

Inna, hi nga wombawomba ngu sivangelo siraru:

  • Ku tumelelana ko xamalisa. Di Bhibhele di bhatwe ngu mbimo yo pinda 1.600 wa malembe ngu 40 wa vathu vo hambana. Wungi wawe kha va nga za ve manana ni vakwawe. Hambi ka toneto, dotshe dibhuku da tumelelana ni msungo wumwewo wa mhaka!

  • Matimu o thembeka. Vabhali va matimu ya vathu va kuluveta ku sisa tiphazamo ta vathu va matiko awe. Ngu ku hambana ni toneto, vabhali va di Bhibhele va bhate tiphazamo tawe ni ta ditiko dawe.2 Matimu 36:15, 16; Masalmu 51:1-4.

  • Siprofeto so thembeka. Di Bhibhele di wombile ku di nga di masoni ku khundumuswa ka didhoropa da kale da Bhabhilona na ku di nga di sate 200 wa malembe. (Isaya 13:17-22) Ku txhamusetwe i si nga nzila yiya Bhabhilona a ndi no wa ngu yona dwe, kambe ni ditina da wu a ndi no thangela ku xula koneko!Isaya 45:1-3.

    Siprofeto simwane sasingi sa mu ka di Bhibhele ni sona si hetisekile ni ka timhaka ta tidotho. Hi nga toneto hi ndi no ti verela ka Dipswi da Txizimu kani?2 Pedro 1:21.

 ALAKANYISISA NGU TIYA

Dipswi da Txizimu di nga wu tshukwatisa ku txani wutomi wa wena?

Di Bhibhele da xamula txiwotiso etxo mu ka ISAYA 48:17, 18 ni 2 TIMOTI 3:16, 17.