Ndaka u ya ka menu ya wumbidi

Tifakazi ta Jehovha

Txitxopi

Kuxaniseka ku na guma kani?

Kuxaniseka ku na guma kani?

U khawe . . .

  • inna?

  • ahim-him?

  • ku ti lava?

 NGU TIHI TI DI BHIBHELE DI WOMBAKO TONA

“Txizimu . . . txi na bahulela yotshe mirongo tikhoheni kwawe; kha ku nambi swa ku txi maneka kambe lifo, hambi kudila hambi tihuwa hambi ku pandiseka.”Mtuletelo 21:3, 4.

TONETO TI NI TXIVHUNO MUNI KA WENA

Ku tsaniseka ti to Txizimu kha txi vangi sikarato sathu.Jakobe 1:13.

Kuthaveleleka ngu ku ziva ti to Txizimu txa hi pfela mbimo yi hi xanisekako.Zakariya 2:8, Tradução do Novo Mundo.

Txithembo txo kotshe ku xaniseka ku na guma.Masalmu 37:9-11.

 HI NGA KHOLWA KANI NGU KU TSANISEKA TI DI BHIBHELE DI TI WOMBAKO?

Inna, hi na wombawomba ngu sivangelo simbidi:

  • Txizimu txi vengela ku xaniseka ni ku pwateka ka wululami. Wona nzila yi Jehovha a nga ti tipfa ngu yona mbimo yi ditiko dakwe di nga ti xaniswa ngu mamahelo a tshofu timbimoni ta Bhibhele. Di Bhibhele di womba ti to ene a ti pandiseka ngu kona hawa ka va “va nga ti va maha ve rereka”Valamuli 2:18, NM.

    Txizimu txa pandiseka ngutu ngu va va xanisako vamwane. Ngu txikombiso, di Bhibhele di womba ti to “manza a ma theketako mnoha wa kwa mbi na mnandu” ma nyenyezile kwakwe.Mavingwa 6:16, 17, NM.

  • Txizimu txa khatala ngu mmwane ni mmwane wathu. Hi nga tsena m’thu mmwane ni mmwane a zivako “dikhombo dakwe ni ku panda kwakwe” kambe nene Jehovha wa ti ziva!2 Matimu 6:29, 30, NM.

    Ngu ku thumisa Mfumo wakwe, Jehovha ngu ku kuluveta a na gumisa ku xaniseka ka mmwane ni mmwane. (Matewu 6:9, 10) Hi di nga di hi txi verela, ene wa thavelela ngu lidhundo a wuwa a m’lavako ngu mbilu.Mithumo 17:27; 2 Vakorinto 1:3, 4.

 ALAKANYISISA NGU TIYA

Ngu kona hawa ka txani Txizimu txi tumelela ku xaniseka?

Di Bhibhele da xamula mhaka yiya ka VAROMA 5:12 ni 2 PEDRO 3:9.